ရှစ်လေးလုံးအရေးတော်ပုံ ၃၆ နှစ်ပြည့် နှစ်ပတ်လည် အခမ်းအနားကို အမေရိကန်ပြည်ထောင်စု၊ နယူးယောက်တွင် ကျင်းပပြုလုပ်
ရန်ကုန်၊ ဩဂုတ် ၁၁
အမေရိကန်ပြည်ထောင်စု၊ နယူးယောက်မြို့တွင် ရှစ်လေးလုံး အရေးတော်ပုံ ၃၆ နှစ်ပြည့် နှစ်ပတ်လည် အခမ်းအနားကို ဩဂုတ်လ ၁၀ရက် ဒေသစံတော်ချိန် ညနေ ၄ နာရီခွဲမှ ညနေ ၆နာရီခွဲအထိကျင်းပခဲ့ကြောင်း သိရှိရသည်။
အဆိုပါအခမ်းအနားတွင် ၈၈ကျောင်းသားမျိုးဆက် ကိုနေတင်မြင့် ၊ Gen Z မောင်အောင်နိုင်လတ် ပြည်သူ့လွှတ်တော်ကိုယ် စားလှယ် ဒေါ်ခိုင်မာဌေးတို့က ၈၈ အရေးတော်ပုံကြီးနှင့်ပတ်သက်ပြီး အမှတ်တရစကားများပြောကြားခဲ့ကြပြီး အဆိုတော် ကိုဝင်နိုင်စိုးမှလည်း တော်လှန်ရေးသီချင်းများသီဆိုဖျော်ဖြေခဲ့ကြောင်း သိရှိရသည်။
NYCBCအဖွဲ့က စီစဉ်တင်ဆက်သော ၈၈ အရေးတော်ပုံဖြစ်ရပ်မှန် Performance ကိုလည်း စုံစုံလင်လင်တင်ဆက်ခဲ့ကြကြောင်း ၊ ထို့နောက်ကြွေးကြော်သံများဟစ်ကြွေးကာ အခမ်းအနားကို ရုပ်သိမ်းခဲ့ကြောင်း သိရှိရသည်။
