ရန်ကုန်၊ ဩဂုတ် ၁၆
ဩဂုတ်လ ၁၃ ရက်နေ့တွင် လားရှိုးမြို့ သိမ်းတိုက်ပွဲအတွင်း ဖမ်းဆီးရရှိသော စစ်သုံ့ပန်း မိသားစုဝင် ၁၈၅ ဦးကို MNDAA က ထပ်မံ လွှတ်ပေးခဲ့ခြင်းဖြစ်ပြီး အသုတ်လိုက်ခွဲပြီး ပြန်လွှတ် ပေးနေခြင်းဖြစ်ကြောင်း၊ ထိုသို့ ပြန်လွှတ်ပေးသည်မှာ အကြိမ်ပေါင်း အနည်းဆုံး ၇ ကြိမ်မြောက်ဖြစ်ပြီး လူဦးရေ ၂၀၀၀ ကျော် ပြန်လွှတ်ပေးပြီး ဖြစ်ကြောင်း သိရသည်။
အလားတူ ဩဂုတ်လ ၁၄ ရက်နေ့တွင် အရှေ့မြောက်တိုင်းစစ်ဌာနချုပ်မှ ဖမ်းဆီးရမိသော စစ်သုံ့ပန်း ၂၉၆ ဦး ၊ ဩဂုတ်လ ၁၁ ရက်နေ့က ပြင်းထန်ဒဏ်ရာရ စစ်သုံ့ပန်း ၄၅ ဦးကိုလည်း MNDAA က လွှတ်ပေးခဲ့ပြီး ထိုသို့လွှတ်ပေးရာတွင် SSPP နှင့်ချိတ်ဆက်ကာ ပြန်လွှတ်ပေးခဲ့ခြင်းဖြစ်ကြောင်း သိရှိရသည်။
MNDAA တပ်ဖွဲ့သည် ဩဂုတ်လ ၆ ရက်နေ့ကစတင်ပြီး လားရှိုးမြို့မှ ဖမ်းဆီးရရှိသည့် စစ်သုံ့ပန်း နှင့် မိသားစုဝင်များကို ပြန်လွှတ်ပေးလျက်ရှိရာ လက်ရှိချိန်တွင် စစ်သုံ့ပန်း မိသားစုဝင် ၂၀၀၀ ကျော်နှင့် စစ်သုံ့ပန်း ၃၄၁ ဦးကို ပြန်လွှတ်ပေးခဲ့ပြီးဖြစ်ကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
