ရန်ကုန်၊ အောက်တိုဘာ ၃
မကွေးတိုင်း၊ ပေါက်မြို့နယ်တောင်ခြမ်းရှိ သီးခြောက်ကျေးရွာကို အကြမ်းဖက်စစ်တပ် လေကြောင်း၊ လက်နက်ကြီးဖြင့် ပစ်ခတ်တိုက်ခိုက်ခဲ့ရာ ပြည်သူ ၁ ဦးထိခိုက်ဒဏ်ရာရရှိခဲ့ကြောင်း ပေါက်မြို့နယ် ပကဖ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ယနေ့ အောက်တိုဘာ ၃ ရက် မွန်းလွဲ ၂ နာရီ ၂၅ မိနစ်အချိန်က ပေါက်မြို့နယ်၊ သီးခြောက်ကျေးရွာ ကို အကြမ်းဖက်စစ်ကောင်စီတပ်က လေကြောင်းဖြင့် ဗုံးကျဲပစ်ခတ်ပြီး၊ ပကစ ၂၄ မှလည်း ၁၂၂ မမ လက်နက်ကြီးဖြင့် ၄ ချက်ပစ်ခတ်တိုက်ခိုက်ခဲ့ရာ ပြည်သူ ၁ ဦးထိခိုက်ဒဏ်ရာရရှိပြီး အခြားထိခိုက် ပျက်စီးဆုံးရှုံးမှုကို သိရှိနိုင်ရန် စုံစမ်းနေဆဲဖြစ်ကြောင်း သိရသည်။
“သီးခြောက်စာသင်ကျောင်းနဲ့ ရွာထဲကို လေကြောင်းနဲ့ ပစ်သွားတာ၊ တစ်ကြိမ်ပဲ ပစ်သွားတာပါ၊ တစ် ယောက်တော့ ထိတယ်၊ ဒဏ်ရာအခြေအနေကတော့ မေးတုန်း။ ပြီးတော့ ကပစ ၂၄ ကနေ့လည်း ၁၂၂ မမ လက်နက်ကြီးနဲ့ ၄ လုံးပစ်သွားသေးတယ်။ တခြားထိခိုက်ပျက်စီးမှုတွေ သိရအောင်တော့ စုံစမ်းနေတုန်းပါ။” ဟု ပေါက်မြို့နယ် ပကဖ မှတာဝန်ရှိသူတစ်ဦးက ရန်ကုန်ခေတ်သစ်သတင်းဌာန ထံသို့ ပြောကြားသည်။
အကြမ်းဖက် စစ်ကောင်စီက ပေါက်မြို့နယ်အတွင်း စစ်ကြောင်းထိုးခြင်းနှင့် လေကြောင်းတိုက်ခိုက်မှုများကို ဆက်တိုက် လုပ်ဆောင်နေကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
