ဖားကန့်မြို့တွင် စစ်အာဏာရှင်ဆန့်ကျင်ရေးသပိတ်နှင့် KIA,PDF, NUG ထောက်ခံပွဲပြုလုပ်
ကချင်ပြည်နယ် ဖားကန့်မြို့တွင် နိုဝင်ဘာလ ၁၆ ရက်နေ့က ဖားကန့်ပြည်သူများက စစ်အာဏာရှင်ဆန့်ကျင်ရေးသပိတ်နှင့် KIA, PDF, NUG ထောက်ခံပွဲပြုလုပ်ခဲ့ကြကြောင်း သိရှိရသည်။
ဆန္ဒပြပြည်သူများက “လူထုနဲ့စတဲ့ တော်လှန်ရေး လုထုဆန္ဒနဲ့အဆုံးသတ်”၊ “လာပါ ငါတို့အတူတူရုန်းမယ် ”၊ “ စစ် အာဏာရှင်စနစ် လုံးဝအုပ်ချုပ်ခွင့်မရစေရ”၊ “ စစ်ခွေးတွေကို အမြစ်ဖြတ်ဖို့ ပြည်သူအားလုံးပါဝင်စို့” စသည့်ကြွေးကြော်သံများဖြင့်ချီတတ် သပိတ်မှောက်ခဲ့ကြကာ နိုဝင်ဘာလ ၁၅ ရက်နေ့ကကချင်ပြည်နယ် မိုးမောက်မြို့နယ် ကုန်းလော ကျေးရွာ KBC ဘုရားကျောင်းကို အကြမ်းဖက် စစ်တပ်က လေကြောင်းတိုက်ခိုက်ခဲ့၍ သေဆုံးသွားသော အပြစ်မဲ့ ကလေးငယ်များနှင့် ပြည်သူများအတွက်လည်း ဆုတောင်းပေးခဲ့ကြကြောင်း သိရှိရသည်။
