ဖာပွန်ခရိုင်တွင် နိုဝင်ဘာ လဝက် အတွင်း တိုက်ပွဲ ၁၃ ကြိမ်ဖြစ်ပွားပြီး တပ်ရင်းမှူးနှင့် ဒုတပ်ရင်းမှူး အပါအဝင် စစ်သား ၇၇ ဦးသေဆုံး
ကရင်ပြည်နယ်၊ ဖာပွန်ခရိုင်တွင် နိုဝင်ဘာ လဝက်အတွင်း တိုက်ပွဲပေါင်း ၁၃ ကြိမ်ဖြစ်ပွားပြီး တပ်ရင်းမှူးနှင့် ဒုတပ်ရင်းမှူး အပါအဝင် အကြမ်းဖက် စစ်သား ၇၇ ဦး သေဆုံးခဲ့ကြောင်း KNU-မူတြော် ခရိုင်က ပြောဆိုသည်။
နိုဝင်ဘာလ ၁ ရက်နေ့မှ ၁၅ ရက်နေ့ အထိ ကရင်အမျိုးသားလွတ် မြောက်ရေး တပ်မတော်နှင့် အကြမ်းဖက် စစ်တပ် တိုက်ပွဲ စုစုပေါင်း ၁၃ ကြိမ် ဖြစ်ပွားခဲ့ပြီး အဆိုပါ တိုက်ပွဲများအတွင်း အကြမ်းဖက် စစ်တပ်ဘက်မှ တပ်ရင်းမှူး ၁ ဦး ၊ ဒုတပ်ရင်းမှူး ၁ ဦး အပါအဝင် စစ်သား ၇၇ ဦး သေဆုံးခဲ့ခြင်းဖြစ်ကြောင်း သိရသည်။
အလားတူ ကရင်အမျိုးသား လွတ်မြောက်ရေး တပ်မတော် – KNLA အမှတ် ၅ တပ်မဟာနှင့် ပူးပေါင်း တပ်ဖွဲ့ဝင်များဘက်မှလည်း ၈ ဦး ထိခိုက် ဒဏ်ရာရရှိခဲ့ပြီး အမှတ် ၅ တပ်မဟာ လက်အောက်ခံ တပ်ဖွဲ့ ဝင်များနှင့် ပူးပေါင်းတပ်ဖွဲ့ဝင်များက အကြမ်းဖက် စစ်တပ်၏ မော်တော်ယာဥ် ၁ စီးကိုလည်း ဖျက်စီးနိုင်ခဲ့ကြောင်း သိရှိရသည်။
