ဒီကနေ့ ဒီဇင်ဘာ ၂၇ ရက် မနက်ပိုင်း တင်ဆက်ပေးမယ့် သတင်းတွေကတော့
- ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့ ဥက္ကဋ္ဌ သစ်အဖြစ် ဗိုလ်ချုပ်ကြီးတင်အောင်စန်း ကိုင်တွယ်နေရာ ကနေ ကာကွယ်ရေးဝန်ကြီးသစ်ဖြစ်လာတဲ့ ဗိုလ်ချုပ်ကြီး မောင်မောင်အေးက စတင်တာဝန်ပြောင်း လဲယူနေပြီး စစ်မှုထမ်းဆင့်ခေါ်ရေးမှာ အရင်ထက် ကြမ်းကြမ်းတမ်းတမ်း ကိုင်တွယ်လာဖို့ရှိနေတယ်လို့ နေပြည်တော် တပ်သတင်းရင်းမြစ်က ရန်ကုန်ခေတ်သစ်သတင်းဌာနကို ပြောပါတယ်။
- မကွေးတိုင်း၊ နတ်မောက်မြို့နယ်၊ ဥယျာဉ်ကျေးရွာ အပါအဝင် အနီးအနားကျေးရွာတွေကို စစ်တပ်က စစ်ကြောင်းထိုးပြီး ရုံးပင်ကွက်ရွာခံ ဦးမောင်ဆန်းကို သတ်ဖြတ်ပြီး အလောင်းမှာ မိုင်းထောင်ထား ခဲ့တာကြောင့် သဂြိုလ်မရဖြစ်နေတယ်လို့ ဒေသပြည်သူတွေကပြောပါတယ်။
- စစ်ကိုင်းတိုင်း၊ မုံရွာမြို့ပေါ်မှာ နေအိမ်အတွင်း ဝင်ရောက်ကာ လူသတ်ဓားပြတိုက်ကာ ကားယူဆောင်သွား သူတွေကို တော်လှန်ရေးတပ်ဖွဲ့တွေက လိုက်လံ ရှာဖွေခဲ့ရာ လုယက်သွားတဲ့ ကားကို ပြန်လည် သိမ်းဆည်းရရှိခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
