ရန်ကုန်၊ ဒီဇင်ဘာ ၃၁
ရန်ကုန်၊ တာမွေမြို့နယ်၊ ကျိုက္ကဆံကွင်းတွင် ယနေ့ ပြုလုပ်မည့် နှစ်သစ်ကူးပွဲ New Year Countdown တွင် ခိုက်ရန်ဖြစ်ပွားသူ လူငယ်များ၊ မူးယစ်ရမ်းကားသူ လူငယ်များနှင့် အခြေမဲ့ အနေမဲ့ လူငယ်များကို စစ်မှုထမ်း တပ်သားသစ်များအဖြစ် ပေါ်တာဆွဲ ဖမ်းဆီးရန်ရှိနေကြောင်း ထွေ/အုပ်သတင်းရင်းမြစ်က ပြောဆိုသည်။
ယနေ့ ဒီဇင်ဘာလ ၃၁ ရက်နေ့ တာမွေမြို့နယ်၊ ကျိုက္ကဆံကွင်းတွင် နှစ်သစ်ကူးပွဲ New Year Countdown ပြုလုပ်မည်ဖြစ်ပြီး အဆိုပါပွဲအတွင်းတွင် လုံခြုံရေး တင်းကျပ်ထားကြောင်း၊ ပွဲအတွင်း ခိုက်ရန်ဖြစ်ပွားသူလူငယ်များ၊ မူးယစ်ရမ်းကားသူ လူငယ်များနှင့် အခြေမဲ့ အနေမဲ့ လူငယ်များကို တပ် သားသစ်များအဖြစ် စုဆောင်းဖမ်းဆီးရန်အတွက် ပြင်ဆင်ထားကြောင်း၊ ယင်းပွဲတွင် စစ်တပ်၊ ရဲနှင့် ပျူစောထီးများက အရပ်ဝတ်များဖြင့်သာမက ယူနီဖောင်းအပြည့်အစုံဖြင့်ပါ လုံခြုံရေးယူကြမည်ဖြစ်ကြောင်း သိရှိရသည်။
“ပွဲအတွင်း ပြစ်မှု ကျူးလွန်တဲ့ လူငယ်တွေတော့ ဖမ်းဆီးပြီး စစ်မှုထမ်းအဖြစ် စုဆောင်းဖို့ လျာထားတယ်လို့ သိရတယ်။ မူးယစ်ရမ်းကားသူ တွေလည်း တပ် သားသစ်အဖြစ် စုဆောင်းခံရမယ်လို့ သိရပါတယ်။ ကောင်းကောင်းမွန်မွန်လာတဲ့သူတွေတော့ ပေါ်တာဆွဲတာမျိုးတော့ ညွှန်ကြားထားတာမရှိပါဘူး” ဟု ထွေ/အုပ် သတင်းရင်းမြစ်က ရှင်းပြသည်။
၂၀၂၅ ခုနှစ် နှစ်သစ်ကူးပွဲ New Year Countdown ပွဲအတွက် စစ်တပ် ထုတ် ကုန်ဖြစ်သော မြန်မာဘီယာနှင့်အရက်များကိုလည်း ရောင်းချမည်ဖြစ်ပြီး ယင်းနေ့ ညတစ်ညအတွက် ညမထွက်ရအမိန့်ကို ပယ်ဖျက်ထားသော အမိန့်စာလည်း ထွက်ရှိထားပြီဖြစ်ကြောင်း သိရှိရသည်။
“ဒီဇင်ဘာလ ၃၁ ရက်နေ့ ည နှစ်သစ်ကူးညအတွက်တော့ ညမထွက်ရအမိန့်ကို ပယ်ဖျက်တဲ့ အမိန့်စာလည်း ထွက်ရှိထားပါပြီ။ အဲဒီညတော့ ဖမ်းတာဆီးတာရှိမှာမဟုတ်ဘူး။ ပွဲအဝင်အဝမှာ မြန်မာဘီယာနဲ့ အရက်တွေလည်း ခွင့်ပြုချက်နဲ့ ရောင်းမယ်လို့ သိရတယ်”ဟု ထွေ/အုပ်သတင်းရင်းမြစ်က ဆိုသည်။
အကြမ်းဖက်စစ်ကောင်စီက လာမည့် ဇန်နဝါရီလတွင် စတင်မည့် စစ်မှုထမ်း အပတ်စဉ် ၉ အတွက် လူသစ်ကြိုတင်စုဆောင်းနေပြီး အထူးသဖြင့် ပွဲလမ်း သဘင်များသည် တပ်သားသစ် စုဆောင်းရန် ပစ်မှတ်နေရာများဖြစ်လာကြောင်း စုံစမ်းသိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
