Khit Thit သတင်းဌာန၏ ဇန်နဝါရီ ၆ ရက် နေ့လယ်ပိုင်း ရုပ်သံသတင်းအစီအစဉ်
ဒီကနေ့ ဇန်နဝါရီ ၆ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
အခု ၂၀၂၅ ခုနှစ်မှာ ဆီးရီးယား အာဏာရှင် အာဆတ် နိုင်ငံကနေ ထွက်ပြေးရသလို အကြမ်းဖက် မင်းအောင်လှိုင်ကိုလည်း မြန်မာ့မြေပေါ်ကနေ အပြီးတိုင်ချေမှုန်းတိုက်ထုတ်သွားဖို့ ရည်မှန်းထားပြီး NUG ဝန်ကြီးတွေလည်း အပြောင်းအလဲရှိနိုင်တယ်လို့ NUG ယာယီသမ္မတ ဒူဝါလရှီးလက ပြောလိုက်ပါတယ်။
မကွေးတိုင်း ၊ ပဲခူးတိုင်း ၊ ဧရာဝတီတိုင်း နဲ့ ထိစပ်နေတဲ့ ရခိုင်ရိုးမတောင်ပေါ် ၄ နေရာမှာ အကြမ်းဖက် စစ်ကောင်စီတပ်စခန်းတွေကို အာရက္ခတပ်တော် AA နဲ့ PDF ပူးပေါင်းတပ်တွေက ထိုးစစ်ဆင်တိုက်ခိုက်နေပြီလို့ စစ်ရေးသတင်းရင်းမြစ်က ပြောပါတယ်။
ရခိုင်ပြည်နယ် ၊ အမ်းမြို့နယ်ကနေ ရက်ပေါင်းများစွာ ထွက်ပြေးလာတဲ့ အကြမ်းဖက် စစ်ကောင်စီ တပ်သား ၁၁ ဦးကို တော်လှန်ရေးတပ်တွေက လက်နက်ခဲယမ်းတွေနဲ့အတူ ထပ်မံ ဖမ်းရမိထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
