Khit Thit သတင်းဌာန၏ ဇန်နဝါရီ ၂၅ ရက် နေ့လယ်ပိုင်း ရုပ်သံသတင်းအစီအစဉ်
ဒီကနေ့ ဇန်နဝါရီ ၂၅ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
အကြမ်းဖက် စစ်ကောင်စီက မြန်မာနိုင်ငံမှာ အရေးပေါ် အခြေအနေပေါ်ပေါက်နေလို့ဆိုပြီး တစ်နိုင်ငံလုံးမှာရှိတဲ့ အရွယ်ရောက်သူအားလုံးကို စစ်မှုထမ်းဖို့ စစ်စည်းရုံးခြင်း အမိန့်ကို ထပ်ဆင့် ထုတ်ပြန်နိုင်တယ်ဆိုပြီးတော့ပါ သူတို့ရဲ့ ပြည်သူ့စစ်မှုထမ်း နည်းဥပဒေမှာ ပြဋ္ဌာန်းထားပါတယ်။
-ပဲခူးတိုင်းက သာယာဝတီခရိုင်မှာ အကြမ်းဖက် စစ်ကောင်စီတပ်က ပေါ်တာဆွဲ ဖမ်းဆီးထားတဲ့ လူငယ်တွေကို ထွက်ပြေးတာမျိုး မရှိအောင် အရက်နဲ့ မူးယစ်ဆေးဝါးတွေ သုံးစွဲခွင့်ပြုထားတဲ့အပြင် ၊ အလောင်းကစားအဖြစ် ဖဲဝိုင်းတွေပါ စီစဉ်ခွင့်ပြုထားပြန်တယ်လို့ ဒေသခံသတင်းရင်းမြစ်က ရန်ကုန်ခေတ်သစ်ကို ပြောပါတယ်။
ပဲခူးတိုင်း၊ အုတ်ဖိုမြို့နယ်က အိုးသည်ကုန်းမြို့နေ လူငယ် ၂ ဦးကို အကြမ်းဖက် စစ်ကောင်စီတပ်နဲ့ ပျူစောထီးအဖွဲ့တွေက မိခင်ဖြစ်သူရှေ့မှာပဲ ရိုက်နှက်ပြီးတော့ကို ပေါ်တာဆွဲ ဖမ်းဆီးသွားပြီး ငွေကျပ် သိန်း ၃၀၀ နဲ့ ပြန်ရွေးခိုင်းနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
