သဲကုန်းမြို့နယ်တွင် PDF တပ်ဖွဲ့များ၏ သတင်းကို လိုက်လံ စုံစမ်းနေသည့် မောင်ပြုံး (ခ) ဓါးငပြုံး ပစ်ခတ်ခံရပြီး သေဆုံး
ပဲခူးတိုင်း၊ သဲကုန်းမြို့နယ်တွင် PDF တပ်ဖွဲ့များ၏ သတင်းကို လိုက်လံ စုံစမ်းနေသည့် မောင်ပြုံး (ခ) ဓါးငပြုံး ကို ပစ်ခတ် တိုက်ခိုက်ရာ သေဆုံးခဲ့ကြောင်း ၃၆၀၁ တပ်ရင်း စစ်ထောက်လှမ်းရေးနှင့် သတင်းပြန်ကြားတာဝန်ခံ က ရန်ကုန်ခေတ်သစ် သတင်းဌာနထံသို့ ပြောဆိုသည်။
ဖေဖော်ဝါရီလ ၅ ရက်နေ့ ညနေ ၆ နာရီ ၃၀ မိနစ်ခန့်တွင် သဲကုန်းမြို့နယ်၊ ရပ်ကွက် ၂ ၊ အားကစားကွက်သစ် အမှတ် ၄၇ စူဌမုနိလမ်းတွင် နေထိုင်သော မောင်ပြုံး (ခ) ဓါးငပြုံးသည် ဓါးသွေးကျောက်ရွာရှိ ၎င်း ယောက္ခမ နေအိမ်အရောက်တွင် တော်လှန်ရေး ရဲဘော်များက ပိတ်ဆို့ဖမ်းဆီးစဉ် ခုခံထွက်ပြေးသောကြောင့် ပစ်ခတ်ဖမ်းဆီးရာ သေနတ်ကျည် ၄ ချက်ထိမှန်ပြီး သေဆုံးခဲ့ကြောင်း သိရသည်။
သေဆုံးသွားသော ဓါးငပြုံး သည် ပျူစောထီး အပါတ်စဉ် ၁ သင်တန်းကို အင်းမ ခမရ-၅ တပ်ရင်းထဲတွင် ၁၄ ရက်ကြာ တက်ရောက်ခဲ့သူဖြစ်ပြီး ၄င်းနှင့်အတူ သဲကုန်းမြို့နယ် ရပ်ကွက် ၁ ၊ ၂ ၃ ၄ တို့မှ အင်အား ၅၀ ဦးခန့်ပါ တက်ရောက်ခဲ့ကြောင်း၊ ထို့ပြင် ဓါးငပြုံးသည် မြို့ပေါ်နှင့် တောထဲပါ မကျန် တော်လှန်ရေးတပ်ဖွဲများ၏ လှုပ်ရှားမှု သတင်းများကို ထောက်လှမ်းပြီး တပ်မ ၆၆ လက်အောက်ခံ အင်းမ ခမရ ၅ တပ်ရင်းထဲကို သတင်းပေးပို့နေပြီး ပြည်သူများကို လည်းဖမ်းဆီးမှုများ ပြုလုပ်နေခြင်းကြောင့် ပြည်ခရိုင်ပြည်သူ့ကာကွယ်ရေး တပ်မတော် ၃၆၀၁ (PPDF) တပ်ရင်း တပ်ခွဲ ၁ မှ တိုက်ခိုက်ခဲ့ခြင်းဖြစ်ကြောင်း သိရှိရသည်။
ထို့ပြင် သေဆုံးသွားသော ဓါးငပြုံး ထံမှ ပျူစောထီး ဝတ်စုံ ၁ စုံ၊ ပျူစောထီး ဦးထုပ် ၁ လုံး၊ ကျည်ခွံ များလည်း သိမ်းဆည်း ရရှိခဲ့ကြောင်း သိရသည်။
![](https://yktnews.com/wp-content/uploads/2025/02/478025344_989840736576866_8461551698722616085_n.jpg)