စစ်ကောင်စီ လက်အောက်ခံ BGF ခေါင်းဆောင် စောချစ်သူနှင့်အပေါင်းအပါများကို ဖမ်း၀ရမ်းထုတ်ရန် သက်သေအထောက် အထားလုံလောက်ပြီး ထိုင်းအထူးစုံစမ်းစစ်ဆေးရေး DSI ၏အတည်ပြုဆုံးဖြတ်ချက်ကို ရှေ့နေချုပ်ရုံးသို့ တင်ပြ

စစ်ကောင်စီ လက်အောက်ခံ BGF ခေါင်းဆောင် စောချစ်သူနှင့်အပေါင်းအပါများကို ဖမ်း၀ရမ်းထုတ်ရန် သက်သေအထောက် အထားလုံလောက်ပြီး ထိုင်းအထူးစုံစမ်းစစ်ဆေးရေး DSI ၏အတည်ပြုဆုံးဖြတ်ချက်ကို ရှေ့နေချုပ်ရုံးသို့ တင်ပြ

ရန်ကုန်၊ မတ် ၃

အကြမ်းဖက်စစ်ကောင်စီလ က်အောက်ခံ BGF ခေါင်းဆောင် စောချစ်သူနှင့် အပေါင်းအပါများကို ဖမ်း၀ရမ်းထုတ်ရန် ထိုင်းအထူးစုံစမ်းစစ်ဆေးရေးဌာန DSI ၏ အတည်ပြုဆုံးဖြတ်ချက်ကို ရှေ့နေချုပ်ရုံးသို့ ယနေ့ တင်ပြလိုက်ကြောင်း ထိုင်းသတင်းဌာန Khaosod English က သတင်းဖော်ပြသည်။

ယနေ့ မတ်လ ၃ ရက်နေ့တွင် ထိုင်းအထူးစုံစမ်းစစ်ဆေးရေးဌာနက စောချစ်သူနှင့်အပေါင်းအပါများကို ဖမ်း၀ရမ်းရန် အတည်ပြုထားသည့် ဆုံးဖြတ်ချက်ကို ရှေ့နေချုပ်ရုံးသို့ တင်ပြလိုက်ခြင်းဖြစ်ပြီး အဆိုပါ ဖမ်း၀ရမ်းသည် လက်ရှိ ဖြစ်ပွားနေသော ပြည် တွင်းနှင့်နိုင်ငံတကာ လူကုန်ကူးမှုများနှင့်ပတ်သက်၍ ဆက်စပ်နေကြောင်း သိရှိရသည်။

ထိုင်းအထူးစုံစမ်းစစ်ဆေးရေးဌာန၏ လူမှုကုန်ကူးမှု တိုက်ဖျက်ရေးဌာနမှ ညွှန်ကြားရေးမှူး ဒုတိယရဲမှူးကြီး Siriwit Kasemsuap က လက်ရှိ ရရှိထားသော သက်သေအထောက်အထားများမှာ စောချစ်သူနှင့် အပေါင်းအပါများကို ဖမ်း ၀ရမ်းထုတ်ရန် လုံလောက်ကြောင်း ထုတ်ဖော်ပြောဆိုသည်။ သို့ရာတွင် အသေး စိတ်အချက်အလက်များနှင့်ပတ်သက်၍ ရှေ့နေချုပ်ရုံးက စိစစ်နေချိန်တွင် လျှို့ဝှက်ထားကြောင်း သိရှိရသည်။

ကရင်ပြည်နယ်၊ မြ၀တီမြို့နယ်၊ ရွှေက္ကိုလ်တွင် ကျားဖြန့်ငွေလိမ်လည်ဂိုဏ်းများကို အကာအကွယ်ပေးထားသော စစ်ကောင်စီလက်အောက်ခံ ကရင်နယ်ခြားစောင့်တပ် BGF ခေါင်းဆောင် ဗိုလ်မှူးကြီး စောချစ်သူ၊ မုတ်သုန်နှင့် စောတင်ဝင်းတို့ကို ထိုင်း DSI ဖမ်း၀ရမ်းထုတ်ရန် ပြင်ဆင်နေခြင်းဖြစ်သည်။