လောင်းလုံးမြို့နယ်တွင် အပြည်ပြည်ဆိုင်ရာအမျိုးသမီးများနေ့အထိမ်းအမှတ် အမျိုးသမီးများစုပေါင်း၍ သပိတ်ချီတက်
ထားဝယ်ခရိုင်၊ လောင်းလုံးမြို့နယ်အတွင်း နှင်းဆီရောင်အမျိုးသမီးများသမဂ္ဂ (ထားဝယ်) က ဦးဆောင်ပြီး “တော်လှန်သော နှင်းဆီတွေ ဖိနှိပ်မှုမှန်သမျှကို တိုက်ဖျက်မလေ” ခေါင်းစဉ်နှင့် အပြည်ပြည်ဆိုင်ရာအမျိုးသမီးများနေ့ အထိမ်းအမှတ် သပိတ်ချီတက်ခဲ့ကြကြာင်း သိရှိရသည်။
အဆိုပါ သပိတ်ချီတက်ခြင်းကို အမျိုးသမီးများအပေါ် ခွဲခြားဆက်ဆံမှုနှင့် အကြမ်းဖက်မှုများ ပပျောက်ရေး၊ ဒီမိုကရေစီအရေး၊ လူ့အခွင့်အရေး၊ ကျား မ တန်းတူအရေး၊ လွတ်လပ်လုံခြုံသည့် လူ့ဘောင်တည်ဆောက်ရေးတို့အတွက် အာဏာရှင်များ၏ ဖိနှိပ်မှုများအပါအဝင် မတရားဖိနှိပ်မှုမှန်သမျှကို တိုက်ဖျက်သွားကြရန် ရည်ရွယ်ပြီး ပြုလုပ်ခဲ့ကြခြင်း ဖြစ်ကြောင်း သိရှိရသည်။
