ငလျင်ဒဏ်ခံထားရသော်လည်း စစ်ကောင်စီက ကာကွယ်ရေးလုပ်ငန်းများ ဆက်ဆောင်ရွက်ပြီး စစ်ဆက်လက်တိုက်မည်ဟု မင်းအောင်လှိုင်က ကြေညာပြန်

ရန်ကုန်၊ ဧပြီ ၂

စစ်တပ်အနေဖြင့် ငလျင်ဒဏ်ခံထားရသော်လည်း ကာကွယ်ရေးဆိုင်ရာလုပ်ငန်းများ ဆက်လက် ဆောင်ရွက်ပြီး စစ်ဆက်လက်တိုက်သွားမည်ဖြစ်ကြောင်း အကြမ်းဖက်စစ်ခေါင်းဆောင် မင်းအောင်လှိုင်က ကြေညာပြန်သည်။

ယမန်နေ့ နေပြည်တော်တွင် ပြုလုပ်သည့် ငလျင်ဘေးဒဏ်ကူညီရေး ငွေလှူဒါန်းမှုများ လက်ခံပွဲတွင် အကြမ်းဖက် စစ်ခေါင်းဆောင် မင်းအောင်လှိုင်က အထက်ပါအတိုင်းပြောဆိုခြင်းဖြစ်သည်။

လူထုအစိုးရထံမှ အာဏာကို လက်နက်ဖြင့် စစ်အာဏာ သိမ်းယူခဲ့သော မင်းအောင်လှိုင်က လက်ရှိ နိုင်ငံရေးအရ ဖြစ်ပေါ်လာသော ပြဿနာကို အကြမ်းဖက်သည့် နည်းလမ်းဖြင့် ရွေးချယ်ခဲ့ကြသည့်အတွက် စစ်တပ်အနေဖြင့် ချမှတ်ထားသော လုပ်ငန်းစဉ်များအတိုင်း ဆက်လက်ဆောင်ရွက်သွားမည်ဖြစ်ကြောင်း၊ အချို့သော တိုင်းရင်း သားလက်နက်ကိုင်အဖွဲ့များအနေဖြင့် လက်ရှိအခြေအနေတွင် တိုက်ပွဲ ဖော်ဆောင်ခြင်းမရှိသော်လည်း တိုက်ခိုက်မှုများ လုပ်ဆောင်ရန်အတွက် စုဖွဲ့ခြင်း၊ လေ့ကျင့်ပြင်ဆင်နေခြင်းများ လုပ်ဆောင်နေသည်ကို မိမိတို့အနေဖြင့် သိရှိပြီး ယင်းကဲ့သို့ ဆောင်ရွက်ခြင်းမှာလည်း တိုက်ခိုက်ခြင်းဖြစ်သည့်အတွက် လိုအပ်သည့် ကာကွယ်ရေးဆိုင်ရာ လုပ်ငန်းများကို ဆက်လက်ဆောင်ရွက်သွားမည်ဖြစ်ကြောင်း အကြမ်းဖက် မင်းအောင်လှိုင်က ဆိုသည်။

ငလျင်ဘေးဒဏ်ကြောင့် NUG က ၂ ပတ် အပစ်အခတ်ရပ်စဲမည်ဟု ကြေညာထားမှုကို ၎င်းက သိရှိကြောင်း ထုတ် ဖော်ပြောဆိုခဲ့ပြီး စစ်တပ်အနေဖြင့် မည်သည့်တိုင်းရင်းသားလက်နက်ကိုင်အဖွဲ့၏ စခန်းကိုမှ ဦးစွာ တိုက်ခိုက်ခဲ့ခြင်းမရှိဘဲ ၎င်းတို့ လာရောက်တိုက်ခိုက်မှသာလျှင် လိုအပ်သည့် တုံ့ပြန်မှုများကို ဆောင်ရွက်ခဲ့ခြင်းဖြစ်သည်ဟု ပြောဆိုသည်။

မတ်လ ၂၈ ရက်နေ့ မန္တလေးနှင့်စစ်ကိုင်းမြို့ကို ဗဟိုပြုသော ပြင်းအား ၇ ဒသမ ၇ အဆင့်ရှိ ငလျင်ကြီး လှုပ်ခတ်ပြီးချိန်ကတည်းက စစ်တပ်က တိုင်းနှင့်ပြည်နယ်မှ နေရာ ၅ ခုကိုလည်း စစ်ကောင်စီက လေကြောင်းဗုံးကျဲတိုက် ခိုက်ခဲ့သည်။

နောင်ချိုမြို့နယ် ကံကြီးကျေးရွာ၊ နောင်လင်ကျေးရွာ၊ ကရင်ပြည်နယ် KNU တပ်မဟာ ၇ နယ်မြေရှိ လေးဝါးကျေးရွာ၊ စစ်ကိုင်းတိုင်း ချောင်းဦးမြို့နယ် နွယ်ခွေးကျေးရွာနှင့် စစ်တောင်းမြစ် အရှေ့ဘက်ကမ်း ဖြူးမြို့နယ် ကျေး ရွာများကို စစ်ကောင်စီက ဗုံးကျဲတိုက်ခိုက်ခဲ့ကြောင်း၊ အဆိုပါ ဗုံးကြဲတိုက်ခိုက်မှုအားလုံးသည် ငလျင်လှုပ်ခတ် ချိန်နှင့် လှုပ်ခတ်ပြီး နာရီပိုင်းအကြာတွင် စစ်ကောင်စီက အရပ်သားပြည်သူများရှိရာ နေရာများသို့ အကြမ်း ဖက် ဗုံးကျဲတိုက်ခိုက်ခဲ့ခြင်းဖြစ်ကြောင်း သိရှိရသည်။

မတ်လ ၃၀ ရက် ညနေ ၇ နာရီကျော်အချိန်ကလည်း ကျောက်ဖြူမြို့နယ် ကုလဘာကျေးရွာကို ဓညဝတီရေတပ်က ဒရုန်းတစ်စီးဖြင့် ဗုံးကြဲတိုက်ခဲ့ကြောင်း၊ ကုလဘာကျေးရွာ အနောက်ဘက်ခြမ်းကို ဗုံး ကျရောက်ပေါက်ကွဲခဲ့ပြီး နေအိမ်အချို့နှင့် ဆိုင်ခန်းတစ်ခု ပျက်စီးသွားခဲ့သည်။

မတ်လ ၃၀ ရက်နေ့ တွင်လည်း ပေါက်မြို့နယ် ကပစ၂၄ မှ စစ်တပ်က စနိုက်ပါဖြင့်ချောင်းမြောင်း ပစ်ခတ်ရာ ပေါက်မြို့နယ် ပြည်သူ့ကာကွယ်ရေးတပ်ဖွဲ့မှ ပကဖရဲဘော် ၂ ဦးနှင့်ကျောင်းဆရာ ၁ ဦး ကျဆုံးခဲ့ရသည်။

မတ်လ ၃၁ ရက်နေ့ နံနက် ၆ နာရီခန့်တွင် ညောင်ရွှေမြို့နယ်၊ အင်းလေး ဒေသတောင်ပိုင်းရှိ ကျေးရွာများကို အကြမ်း ဖက်စစ်တပ်နှင့် PNA ပြည်သူ့စစ်တို့က ဒရုန်း၊ လက်နက်ကြီးများဖြင့် ၈ ကြိမ် ပစ်ခတ် တိုက်ခိုက်ခဲ့ရာ ပြည်သူ့နေအိမ် ၂ လုံးပျက်စီးခဲ့ကြောင်း၊ အလားတူ မတ်လ ၃၁ ရက် ညနေ ၆ နာရီခန့်တွင်လည်း ၆ ကြိမ် ပစ်ခတ်တိုက်ခိုက်ခဲ့ရာ ပြည်သူ့နေအိမ် ၁ လုံး ထပ်မံ ပျက်စီးခဲ့ကြောင်း သိရသည်။

မတ်လ ၃၁ ရက်နေ့ ညနေ ၅ နာရီ ၅၄ မိနစ်ခန့်တွင် စဉ့်ကူးမြို့နယ်၊ လက်ပန်လှရွာကို အကြမ်း ဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခဲ့ရာ နေအိမ်များ မီးလောင်ပြာကျခဲ့သည်။

မတ်လ ၃၁ ရက်နေ့ ညနေပိုင်းတွင် အကြမ်းဖက် စစ်တပ်က မိုးညှင်းခရိုင် KIA တပ်မဟာ ၈ ဘက်ကို Jet Fighter ၂ စီးဖြင့် ဗုံးကျဲ တိုက်ခိုက်ခြင်းကြောင့် စစ်သင်တန်းလာတက်သည့် သင်တန်းသား ၃၈ ဦး ကျဆုံးကာ ၂၈ ဦး ထိ ခိုက် ဒဏ်ရာရရှိခဲ့ခြင်းဖြစ်ကြောင်း သိရသည်။

မတ်လ ၃၁ ရက်နေ့ မွန်းလွဲ ၂ နာရီ ၄၀ မိနစ်အချိန် မကွေးတိုင်း၊ပေါက်မြို့နယ်အခြေစိုက် ကပစ-၂၄ က လက်နက် ကြီး ၈၁ မမဖြင့် ၄ ချက်ပစ်ခတ်ခဲ့ရာ ပေါက်မြို့နယ်၊ပလောင်းကျေးရွာသို့ကျရောက် ပေါက်ကွဲခဲ့ကြောင်း၊ အဆိုပါ လက်နက်ကြီး ကျရောက် ပေါက်ကွဲမှုကြောင့် ပလောင်းကျေးရွာနေ အသက်၁၃နှစ်အရွယ် မဧကရီမှာ ဝမ်းဗိုက် ကျည်ထိမှန်ကာ သေဆုံးခဲ့သည်။

မတ်လ ၃၁ ရက်နေ့ ည ၈ နာရီကျော်အချိန် စစ်ကောင်စီက လေကြောင်းဖြင့် မြောက်ဦးမြို့နယ်ကို ဗုံးကျဲတိုက် ခိုက်ခဲ့၍ အသက် ၆၆ နှစ်အရွယ် ဦးအောင်ကျော်ဇံ သေဆုံးသွားသည်။

မတ်လ ၃၁ ရက်နေ့ နံနက် ၉ နာရီကျော်အချိန် ကျောက်ဖြူမြို့နယ် ဇင်ချောင်းရွာကြီးကိုလည်း စစ်တပ် ၏ ရေ တပ် သင်္ဘောက လက်နက်ကြီးဖြင့် ပစ်ခတ်၍ သံဃာတော် ၁ ပါး အပါအဝင် အရပ်သား ၂ ဦးသေဆုံးပြီး ဆရာတော်ကြီးတစ်ပါးနှင့် ကိုရင်အပါအဝင် အရပ်သား ၇ ဦး ဒဏ်ရာ ပြင်းထန်စွာ ရရှိသွားကြောင်း၊ မင်းရပ်တိုက် နယ် ဝါးနက်ချွိန်ကျေးရွာအနီး ပင်လယ်ပြင်တွင် ရပ်နားထားသော စစ်ကောင်စီ နေဗီက လက် နက်ကြီး ၃ လုံးဖြင့် ဇင်ချောင်းကျေးရွာကို ပစ်ခတ် တိုက်ခိုက်ခဲ့သည်။

ယမန်နေ့ ဧပြီလ ၁ ရက်နေ့ညပိုင်း ချင်းပြည်နယ်၊ မင်းတပ်မြို့ပေါ် လေယာဉ်ဖြင့် ပေါင် ၅၀၀ ဗုံး ၂ လုံးကျဲချ တိုက် ခိုက်ခဲ့ရာ နေအိမ်များ ပျက်စီးခဲ့သည်။

ယမန်နေ့ ဧပြီလ ၁ရက်နေ့ နံနက် ၁၁ နာရီ၀န်းကျင်တွင် စစ်ကောင်စီတပ်က အုမ္မတီ-ဆမ္မကျေးရွာကြားရှိ တောင် လှရွာနှင့် ဂေါ်ရခါးရွာကို ဒရုန်းဖြင့် ၁ ကြိမ်၊ ဂျက်ဖိုက်တာဖြင့် ၁ ကြိမ် လာရောက်ဗုံးကျဲတိုက်ခိုက်ခဲ့ကြောင်း၊ ထိုသို့ ဗုံးကျဲတိုက်ခိုက်မှုကြောင့် ဒေသပြည်သူ ၅ ဦး ထိခိုက်ဒဏ်ရာရရှိခဲ့ပြီး နေအိမ် ၂ လုံး ပျက်စီးခဲ့သည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar