ဖြူးမြို့နယ်တွင် ငလျင်ဒဏ်ကြောင့် ကလေးငယ်များ အပါအဝင် သေဆုံးသူ ၁၅ ဦးရှိပြီး ကယ်ဆယ်ရေး လုပ်ငန်းများ ဆက်လက် လုပ်ဆောင်နေ
ပဲခူးတိုင်း၊ ဖြူးမြို့နယ်တွင် ငလျင်ဒဏ်ကြောင့် ကလေးငယ်များ အပါအဝင် သေဆုံးသူ ၁၅ ဦးရှိပြီး ကယ်ဆယ်ရေး လုပ်ငန်းများ ဆက်လက် လုပ်ဆောင်နေဆဲဖြစ်ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
မတ်လ ၂၈ ရက်နေ့တွင် လှုပ်ခတ်ခဲ့သော အင်အားပြင်း ငလျင်ဒဏ်ကြောင့် ဖြူးမြို့ပေါ်နှင့် မြို့နယ်အတွင်းရှိ ကျေး ရွာများလည်း ငလျင်ဒဏ်ကို အပြင်းအထန် ခံစားခဲ့ရပြီး နေအိမ်များ ပျက်စီးကာ လူ ၁၅ ဦးသေဆုံးခဲ့ကြောင်း သိရသည်။
သေဆုံးသူ ၁၅ ဦးမှာ ဖြူးမြို့မှ အသက် ၄၉ နှစ်အရွယ် မဖြိုးဖြိုးလင်း ၊ အသက် ၅၉ နှစ်အရွယ် မေသန်းဌေး ၊ အသက် ၃၃ နှစ်အရွယ် မအေမီငြိမ်း ၊ အသက် ၃၁ နှစ် အရွယ် ကိုဝင်းနောင် ၊ အသက် ၁၁ နှစ် အရွယ် မောင်ကောင်းခန့်ကျော် ၊ အသက် ၉ နှစ် အရွယ် မဖြိုးသီတာဦး ၊ အသက် ၂၈ နှစ် အရွယ် မမေမီကို ၊ အသက် ၆၃ နှစ် အရွယ် ဦးသန်းထွန်းအောင် ၊ အသက် ၆၃ နှစ် အရွယ် ဒေါ်မိုးမိုးနွယ် ၊ အသက် ၃၇ နှစ် အရွယ် မဝေနွယ်ထွန်း ၊ အင်ပင်သာရွာမှ အသက် ၈ နှစ်အရွယ် မအေမီကိုကို ၊ နတ်လောင်းရွာမှ အသက် ၄၈ နှစ်အရွယ် ကိုကျော်ဝင်းစိန် ၊ နတ်လောင်းရွာမှ အသက် ၄၈ နှစ်အရွယ် ကိုကျော်ဝင်းစိန် ၊ ဂွေးပင်မြှောင်ရွာမှ အသက် ၁၇ နှစ်အရွယ် မောင်ဇင်မင်းထက် နှင့် အသက် ၃၀ နှစ်အရွယ် ဒေါ်စိမ်းမို့မို့ ၊ ဇေယျဝတီမြို့မှ အသက် ၄၉ နှစ်အရွယ် ဒေါ်ခင်မိုးဝါ တို့ဖြစ်ကြောင်း သိရှိရသည်။
ထို့ပြင် ငလျင်ဒဏ်ကြောင့် ဖြူးမြို့ပေါ်ရှိ မီးသတ်ရေစင် ၊ စည်ပင်အိမ်ရာ ရေစင် ၊ ရုပ်ရှင်ရုံအဟောင်း မျက်နှာစာ ၊ ကမ္ဘာသစ်စတိုး ၊ရွှေတောင် အိမ်မျက်နှာစာ ၊ အုတ်တံတိုင်းများ ၊ ကညွတ်ကွင်းဘုရားကြီး နောက်အုတ်နံရံ တို့ပြိုကျခဲ့ပြီး လူသေဆုံးမှုရှိခဲ့ခြင်းဖြစ်ကြောင်း၊ ဖြူးမြို့နယ် အတွင်းရှိ ကင်မွန်းခြုံရွာမှ နေအိမ် ၄၁ လုံး ၊ နတ်လောင်းရွာမှ နေအိမ် ၂၈ လုံး ၊ မအူပင်ရွာမှ နေအိမ် ၅ အိမ် နှင့် သစ်ချဆိပ်ရွာမှ နေအိမ် ၄ လုံးတို့လည်း ပြိုကျပျက်စီးခဲ့ကာ ရွာချင်းဆက် တံတား ၃ စင်းလည်း ပျက်စီးခဲ့ကြောင်း သိရသည်။
“ကယ်ဆယ်ရေးတွေကတော့ ဆက်လက် လုပ်ဆောင်နေတုန်းပါပဲ မြို့ပေါ်မှာတော့ မရှိတော့ပေမယ့် ကျေးရွာတွေမှာတော့ ကိုယ်ထူကိုယ်ထ ကယ်ဆယ်ရေးတွေ ဆက်လက် လုပ်ဆောင်ရတယ်။ PDF စိုးမိုးနယ်မြေ ပျက်ဆီးမှုတွေကတော့ တော်လှန်ရေး ရဲဘော်တွေနဲ့ ပြည်သူတွေ ပူးပေါင်း ပြီးလုပ်ဆောင်နေတယ်” ဟု ဒေသပြည်သူ တစ်ဦးက ပြောဆိုသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
