ပုလောမြို့နယ်၊ အမှတ် ၈ ပြည်ထောင်စုလမ်းပိုင်းတွင် အရပ်သား ဟန်ဆောင်၍ ထွက်ပြေးလာသော မြိတ်မြို့ အခြေစိုက် ခလရ ၁ဝ၃ တပ်ရင်းမှ ယာယီ တပ်ရင်းမှူး ဗိုလ်မှူးသိန်းထိုက်ကို အရှင်ဖမ်းမိ
ရန်ကုန်၊ ဧပြီ ၂
တနင်္သာရီတိုင်း၊ ပုလောမြို့နယ်၊ အမှတ် ၈ ပြည်ထောင်စု လမ်းပိုင်းတွင် အရပ်သား ဟန်ဆောင်၍ ထွက်ပြေးလာသော မြိတ်မြို့ အခြေစိုက် ခလရ ၁ဝ၃ တပ်ရင်းမှ ယာယီ တပ်ရင်းမှူး ဗိုလ်မှူးသိန်းထိုက်ကို အရှင်ဖမ်းမိခဲ့ကြောင်း မြိတ်ခရိုင် အမှတ် ၁ တပ်ရင်းမှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
မတ်လ ၂၆ ရက်နေ့ နံနက် ၁၀ နာရီခန့်တွင် ပုလောမြို့နယ်၊ အမှတ် ၈ ပြည်ထောင်စု လမ်းပိုင်း၌ ပြေးဆွဲနေသည့် ခရီးသည်တင်ယာဉ်လိုင်းပေါ်တွင် အရပ်သားဟန်ဆောင်၍ ထွက်ပြေးလာသော အကြမ်းဖက် စစ်တပ်၏ မြိတ်မြို့ အခြေစိုက် ခလရ ၁ဝ၃ တပ်ရင်းမှ ယာယီ တပ်ရင်းမှူး ဗိုလ်မှူးသိန်းထိုက်ကို အရှင်ဖမ်းဆီးနိုင်ခဲ့ခြင်းဖြစ်ကြောင်း သိရသည်။
အရှင်ဖမ်းဆီးရမိသော ဗိုလ်မှူးသိန်းထိုက်သည် တနင်္သာရီမြို့နယ်အတွင်း မိုင်းဆွဲ တိုက်ခိုက်ခံရပြီး ၎င်းစစ်ကြောင်းကို ထားခဲ့ကာ ရန်ကုန်မြို့သို့ ထွက်ပြေးရန် ကြိုးပမ်းခဲ့ခြင်းဖြစ်ပြီး စစ်သုံ့ပန်း ဥပဒေဖြင့် ဆက်လက် အရေးယူ ဆောင်ရွက်သွားမည် ဖြစ်ကြောင်း သိရှိရသည်။
“ဒီခွေးက တနင်္သာရီကို စစ်ကူလိုက်တာ ယာဉ်တန်း မိုင်းဆွဲခံရလို့ သူ့တပ်ကိုထားပြီး ထွက်ပြေးလာတာ သူက ယာယီတပ်ရင်းမှူးတာဝန်ထမ်းတာ ၆ လပဲရှိသေးတယ်။ အခု ထွက်ပြေးလာတာ ၅ ရက်ရှိနေပြီ အဲဒါ သူက တနင်္သာရီကနေ ရန်ကုန်ကို ပြေးတာ
ခရီးသည်တင် ယာဉ်ကားငယ်နဲ့ စီးလိုက်လာတာ သူ့ကိုတော့ စစ်သုံ့ပန်း ဥပဒေနဲ့ အညီ အရေးယူဆောင်ရွက်သွားမယ် စစ်ကောင်စီ ဘက်ကနေ ရဲဘော်တွေ အရာရှိတွေကို ပြည်သူလူထုနဲ့ ပူးပေါင်းကြဖို့ စစ်တပ်ကို စွန့်ခွာကြဖို့ပဲ ပြောချင်တယ်” ဟု မြိတ်ခရိုင် အမှတ် ၁ တပ်ရင်းမှ တာဝန်ရှိသူ တစ်ဦးက ပြောဆိုသည်။
အဆိုပါ ဖမ်းဆီးမှုကို ပြည်သူ့ကာကွယ်ရေး တပ်မတော်၊ မြိတ်ခရိုင်အမှတ် (၁) တပ်ရင်းနှင့် ကရင်အမျိုးသားကာကွယ်ရေးတပ်(KNDO)၊ တပ်ရင်း (၇) တို့က ပူးပေါင်းလုပ်ဆောင်ခဲ့ခြင်းဖြစ်ကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
