Khit Thit သတင်းဌာန၏ ဧပြီ ၅ ရက် နေ့လယ်ပိုင်း ရုပ်သံသတင်းအစီအစဉ်
ဒီကနေ့ ဧပြီ ၅ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
နေပြည်တော်မှာ ငလျင်ဒဏ်သင့် စစ်ကောင်စီလက်အောက်ခံ ဝန်ထမ်းတွေအနေနနဲ့ မဖြစ်မနေ ရုံပြန်တက်ဖို့ အပြင် နေပြည်တော် ပြင်ပကို ပြောင်းရွှေ့တာတွေ မလုပ်ရဘူးဆိုပြီး စစ်ကောင်စီက ညွှန်ကြားလာပြန်တယ်လို့ နေပြည်တော်မှာရှိတဲ့ စစ်ကောင်စီလက်အောက်ခံ ဝန်ထမ်းတွေက ရန်ကုန်ခေတ်သစ်ကို အသိပေး ပြောဆို လာပါတယ်။
မန္တလေးမြို့ပေါ်မှာ ငလျင်ဒဏ်ကြောင့် ပြိုကျနေတဲ့ အဆောက်အဦးတွေကြားက ရုပ်အလောင်းတွေကို ပြန်မဖော် နိုင်သေးတဲ့ နေရာတွေ များစွားရှိနေပြီး စစ်ကောင်စီကလည်း ဒီအတိုင်းပစ်ထားသလို ၊ အိမ်ပိုင်ရှင်တွေက ကိုယ့် အစီအစဉ်နဲ့ကို ရှင်းလင်းဖို့အတွက်ဆိုရင်လည်း မြေတူးစက်ငှားရမ်းခတွေက သိန်းရာဏန်းအထိ ဈေးနှုန်းမြင့်တက် လာနေတယ်လို့ အိမ်ပိုင်ရှင်တွေက ရန်ကုန်ခေတ်သစ်ကို ပြောပါတယ်။
စစ်ကိုင်းတိုင်းမှာ ငလျင်ဒဏ်ကြောင့် ပြည်သူတွေ အတိဒုက္ခရောက်နေတဲ့အချိန် အကြမ်းဖက် စစ်ကောင်စီက စစ်ကိုင်းတိုင်း အင်းတော်မြို့က မြို့မဘုန်းကြီးကျောင်းကို လေယာဉ်နဲ့လာပြီး ဗုံးကျဲတိုက်ခိုက်မှုကြောင့် ပြည်သူ ၂ ဦးသေဆုံးခဲ့တဲ့အပြင် နောက်ထပ် ၈ ဦးက ဒဏ်တွေရထားပြီး ဗုဒ္ဓရုပ်ပွားတော်နဲ့ ဘုန်းကြီးကျောင်း၊ဓမ္မာရုံ အပါအဝင် အဆောက်အအုံတွေ ပျက်ဆီးထားပြန်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
