Khit Thit သတင်းဌာန၏ ဧပြီ ၁၂ ရက် ညနေပိုင်း ရုပ်သံသတင်းအစီအစဉ်
ဒီကနေ့ ဧပြီ ၁၂ ရက် ညနေပိုင်း တင်ဆက်ပေးမယ့် သတင်းတွေကတော့
အကြမ်းဖက် စစ်ကောင်စီလက်အောက်ခံ လေတပ်တွေအနေနဲ့ သင်္ကြန်နှစ်သစ်ကူး ပိတ်ရက်ကာလ အနားမရဘဲ လေကြောင်းစစ်ဆင်ရေးတွေ ဆက်တိုက်ရှိနေမှာဖြစ်တဲ့အတွက် ပြည်သူတွေအနေနဲ့ သက်ြန်ကာလ လေကြောင်းအန္တရာယ် သတိပြုကြဖို့ လိုအပ်ပါလိမ့်မယ်လို့ နေပြည်တော်စစ်တပ် သတင်းရင်းမြစ်က ရန်ကုန်ခေတ်သစ်ကို အသိပေးပြောဆိုထားပါတယ်။
-စစ်ကိုင်းတိုင်း ၊ ကလေးမြို့နယ်က ကြံသာကျေးရွာမှာရှိတဲ့ အကြမ်းဖက် စစ်ကောင်စီတပ်စခန်းကို တော်လှန်ရေး ပူးပေါင်းတပ်တွေက အပြီးသတ် တိုက်ခိုက်သိမ်းပိုက်လိုက်ပြီး စစ်ကောင်စီတပ်တွေရဲ့ အလောင်း ၁၅ လောင်း အပြင် လက်နက်ခဲယမ်းတွေလည်း သိမ်ဆည်းရရှိထားပြန်တယ်လို့ CNA တပ်ဖွဲ့ရဲ့ ပြောရေးဆိုခွင့်ရှိသူ ဆလိုင်းထက်နီက ရန်ကုန်ခေတ်သစ်ကို ပြောပါတယ်။
မြန်မာနိုင်ငံမှာ စစ်ကိုင်းငလျင်ကြီး လှုပ်ခတ်တဲ့အချိန် မန္တလေးတက္ကသိုလ်ပါ မီးလောင်သွားပြီး တက္ကသိုလ်ဝင်တန်းစာမေးပွဲ အဖြေလွှာ ၄ သိန်းဝန်းကျင်ဟာ မီးလောင်သွားလို့ဆိုပြီး မန္တလေး၊ စစ်ကိုင်း၊ကချင် နဲ့ နေပြည်တော်မှာ စာမေးပွဲ ပြန်ဖြေခိုင်းဖို့ အကြမ်းဖက် မင်းအောင်လှိုင်က ညွန်ကြားထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
