By ရန်ကုန်ခေတ်သစ်
ဒီကနေ့ ဖေဖော်ဝါရီ ၃ ရက် ရက် မနက်ပိုင်း တင်ဆက်ပေးမယ့် သတင်းတွေကတော့
-စစ်ကိုင်းတိုင်း၊ ဝက်လက်မြို့နယ်မှာ စစ်ကြောင်းထိုးနေတဲ့ အကြမ်းဖက်စစ်တပ်ကို လိုက်လံ တိုက်ခိုက်ရာ စစ်သားတွေ ထိခိုက်သေဆုံးမှုများပြားပြီး Jammer ကား ၁ စီးကို ဖျက်ဆီးနိုင်ခဲ့တယ်လို့ တော်လှန်ရေးသတင်းရင်းမြစ်က ရန်ကုန်ခေတ်သစ်ကိုပြောပါတယ်။
မြန်မာစစ်တပ်လက်အောက်ခံ ကိုးကန့်ပြည်သူ့စစ်ခေါင်းဆောင် ပယ်ဆောက်ချိန်ရဲ့ သားဖြစ်သူ ပယ်ရင်ချန် အပါအဝင် ပယ်မိသားစုဝင် ၄ ဦးကို မနေ့က သေဒဏ်စီရင်လိုက်တယ်လို့ တရုတ်နိုင်ငံက တရားဝင် သတင်းထုတ်ပြန်လိုက်ပါတယ်။
-မန္တလေးတိုင်း၊ ကျောက်ပန်းတောင်းမြို့နယ်ကျေးရွာတွေကို စစ်ကြောင်းထိုးလာတဲ့ အကြမ်းဖက်စစ်တပ် စစ်ကြောင်းကို ကြားဖြတ်တိုက်ခိုက်ရာ စစ်သား ၆ ဦး သေဆုံးခဲ့တယ်လို့ ဧရာဒေါင်းအဖွဲ့မှ တာ၀န်ရှိသူ ကိုရှိန်းက ရန်ကုန်ခေတ်သစ်ကို ပြောပါတယ်။
ပြင်သစ်နိုင်ငံမှာ ၂၀၂၆ ဘတ်ဂျက်အတည်ပြုလိုက်ပြီး စစ်အသုံးစရိတ်ကို အကြီးအကျယ် တိုးမြှင့်လိုက်ပါတယ်။ လနဲ့ချီပြီး အငြင်းပွားနေခဲ့ရတဲ့ ပြင်သစ်နိုင်ငံရဲ့ ၂၀၂၆ ခုနှစ်ဘတ်ဂျက်ဟာ ဒီနေ့ တနင်္လာနေ့မှာပဲ အပြီးသတ်အတည်ပြုချက် ရရှိသွားတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။
