ရန်ကုန်၊ ဇူလိုင် ၄
ဧရာဝတီတိုင်း၊ ပုသိမ်မြို့တွင် စက်ဘီးနှင့် ဆိုင်ကယ် တိုက်မိရာမှ ဆိုင်ကယ် ပိုင်ရှင် ဦးနေမျိုးထက် ကို စစ်တပ်က ဖမ်းဆီး ရိုက်နှက် သတ်ဖြတ်ခဲ့ပြီး သတ် ဖြတ်ခံရသူ ဦးနေမျိုးထက်၏ နာရေးကို ယနေ့ မွန်းလွဲ ၁ နာရီ ပြုလုပ် မည်ဖြစ် ကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
ဇူလိုင်လ ၂ ရက်နေ့တွင် ပုသိမ်မြို့ တဂေါင်းဘုရားကုန်းတော်ပေါ်၌ စက်ဘီးနှင့် ဆိုင်ကယ် တိုက်မိရာမှ စကားများ ရန်ဖြစ်ပြီး စက်ဘီးစီးနှင်းလာသူက အမှတ် ၈ ရပ်ကွက် အုပ်ချုပ်ရေးမှူးရုံးကို သွားရောက် တိုင်ကြားခဲ့ကြောင်း၊ ယင်းနောက် ဆိုင်ကယ်ပိုင်ရှင် ဦးနေမျိုးထက်ကို အုပ်ချုပ်ရေးမှူးရုံးတွင် ဖမ်းဆီးခဲ့ကြောင်း သိရသည်။
ဆိုင်ကယ်ပိုင်ရှင် ဦးနေမျိုးထက်ကို ဖမ်းဆီးပြီးနောက် အုပ်ချုပ်ရေးမှူး ဟန်ဝင်းအောင်က ဖြေရှင်းပေးခြင်းမရှိဘဲ တကောင်းဘုရားကုန်းတော်ပေါ်၌ တပ်စွဲထားသော အကြမ်းဖက် စစ်တပ်ကို အကြောင်းကြားပြီး ဖမ်းဆီးထားသည့် ဆိုင်ကယ်ပိုင်ရှင် ဦးနေမျိုးထက်ကို လွှဲပေးခဲ့ကြောင်း၊ ဆိုင်ကယ်ပိုင်ရှင်ကို အကြမ်းဖက် စစ်တပ်က ဖမ်းဆီးခေါ်ဆောင်သွားပြီး ရိုက်နှက်မှုများ ပြုလုပ်ခဲ့ကြောင်း၊ တဂေါင်းဘုရားကုန်းတော်ပေါ် စစ်ကြော ရေးတွင် စစ်တပ်က ရိုက်နှက်ညှဉ်းပန်းသဖြင့် ဦးနေမျိုးထက် သေဆုံးခဲ့ကြောင်း၊ ယင်းနောက် အလောင်းကို ပြန်ပေးခဲ့သဖြင့် ယနေ့ မွန်းလွဲ ၁ နာရီတွင် သဂြိုလ် မည်ဖြစ်ကြောင်း သိရှိရသည်။
” စက်ဘီးနဲ့ ဆိုင်ကယ် တိုက်မှုကို အုပ်ချုပ်ရေးမှူး ဟန်ဝင်းအောင်က ဖြေရှင်း မပေးဘဲ တကောင်းဘုရားကုန်းတော်ပေါ်မှာ တပ်စွဲထားတဲ့ ခွေးတပ်ကို အကြောင်း ကြားပြီး လွှဲလိုက်တယ်။ ခွေးတွေက ဆိုင်ကယ်ပိုင်ရှင် ဦးနေမျိုး ထက်ကို ဖမ်းခေါ်ပြီး ထုရိုက်တာ ဂေါင်းဘုရားကုန်းတော်ပေါ်မှာတင် သေဆုံး တယ်လို့သိရပါတယ်။ နောက်ဆက်တွဲသတင်းကတော့ ဝိုင်းရိုက်သတ်တဲ့ အထဲမှာ ခွေးတပ်ကဗိုလ်ကြီးရာထူးနဲ့ ၂ ကောင် ပါတယ်လို့သိတယ်” ဟု ဒေသပြည်သူတစ်ဦးက ပြောဆိုသည်။
ဆိုင်ကယ်ပိုင်ရှင် ဦးနေမျိုးထက် သေဆုံးကြောင်းကို အမှတ် ၈ ရပ်ကွက် အုပ် ချုပ် ရေးမှူးရုံးက မဟာဗောဓိရပ်ကွက်ရှိ မိသားစု နေအိမ်ကို လာရောက် အကြောင်းကြားခဲ့ကြောင်း၊ နာရေးကို ဇူလိုင်လ ၄ ရက်နေ့မွန်းလွဲပိုင်း ပြုလုပ် မည် ဖြစ်ကြောင်း သိရှိရသည်။
” တိုင်တဲ့သူက ပစ္စည်းလုယက်တယ်ဆိုပြီးနာမည်ဖျက်တိုင်ကြားတယ်။ အပြစ် မရှိဘဲတမင်ကိုအသတ်ပေးလိုက်ရတာပါ။ တိုင်ကြားသူက စစ်ကောင်စီ ထောက် ခံအားပေးသူဖြစ်နေတာကြောင့် အခုလိုမဟုတ်ဘဲ အတိုင်ကြားခံရသူ က ညှဉ်းပန်း နှိပ်စက်ခံရပြီး အသက်ပေးလိုက်ရတာပါ” ဟု ဒေသပြည်သူ တစ်ဦးက ပြောဆိုသည်။
