စစ်ကောင်စီတပ်ကို နည်းပညာမြင့်မောင်းသူမဲ့လေယာဉ်များဖြင့် တာဝေးစစ်ဆင်ရေး အရှိန်မြှင့်တိုက်ခိုက်မည်

စစ်ကောင်စီတပ်ကို နည်းပညာမြင့်မောင်းသူမဲ့လေယာဉ်များဖြင့် တာဝေးစစ်ဆင်ရေး အရှိန်မြှင့်တိုက်ခိုက်မည်

ရန်ကုန်၊ ဇူလိုင် ၇

ပြည်သူတွေကို နေ့စဉ်သတ်ဖြတ်နေသောအကြမ်းဖက်စစ်ကောင်စီတပ်ကို ယခုလက်ရှိ တိုက်ပွဲဝင်ဒရုန်းများထက် ကီလိုမီတာများစွာ ပျံသန်းနိုင်ပြီး ဗုံးသီးကြီးများကို သယ်ဆောင်နိုင်သည့် မောင်းသူမဲ့လေယာဉ်ကြီးများဖြင့် တာဝေးစစ် ဆင် ရေးများ လုပ်ဆောင်ကာ အရှိန်မြှင့်တိုက်ခိုက်မည်ဖြစ်ကြောင်း ဒရုန်းစစ်ဆင်ရေးများကို လုပ်ဆောင်နေသည့် Federal Wings မှ တာဝန်ရှိသူတစ်ဦးက ပြောကြားသည်။

သာမန်ဒရုန်းများထက် ခရီးမိုင်ပေါင်းများစွာကို အမြင့်ကြီးမှ ပျံသန်းနိုင်ကာ ပစ်မှတ်ကို တိကျစွာ တိုက်ခိုက်နိုင်သည့် VTOL (ခေါ်) Vertical Take-off Landing ဒရုန်း ၁၂ စင်းကို အကြမ်းဖက်စစ်ကောင်စီတပ်များအား တိုက်ခိုက်ရန်အတွက် ပြင်ဆင်ထားပြီဖြစ်ကြောင်း Federal Wings ထံမှ သိရသည်။

မောင်းသူမဲ့လေယာဉ် VTOLများကို မကြာမီ စစ်ဆင်ရေးများတွင် အသုံးပြုတော့မည်ဟုလည်း ၎င်းက ဆိုသည်။

“အခု done တွေက ကီလိုမီတာ ၈/၁၀/၁၅ လောက်ပဲ အသွားအပြန်လုပ်နိုင်တယ်။ တာဝေးကျတော့ drone က ကီလိုမီတာအများကြီးပျံသန်းနိုင်တယ်။ အဲ့နည်းပညာက အခုလို သာမာန် drone မှာ မရနိုင်ဘူး။ VTOL လို့ခေါ်တဲ့ Vertical Take-off Landing မှအဆင်ပြေတာ” ဟု Federal Wings မှ တာဝန်ရှိသူတစ်ဦးက ပြောကြားသည်။

VTOL ဒရုန်းများသည် ဒရုန်းဖြတ်စက်များကို ကျော်လွန်ပျံသန်းနိုင်ပြီး Fixed Wings နှင့် Multi Rotor ပေါင်းစပ်နည်းပညာဖြင့် တီထွင်ထုတ်လုပ်ထားခြင်းဖြစ်သဖြင့် ဗုံးသီးအကြီးစားများကို သယ်ဆောင်နိုင်ကြောင်း Federal Wings မှ တာဝန်ရှိသူတစ်ဦးက ပြောကြားသည်။

Federal Wings သည် တာဝေးစစ်ဆင်ရေးနှင့် ကင်းထောက်ဒရုန်း ထုတ်လုပ်ရေးစီမံကိန်းကို ပြည်တွင်းနှင့် ကမ္ဘာအနှံ့မှ နည်းပညာရှင်များ၏ ပူးပေါင်းပါဝင်မှုဖြင့်အကောင်အထည်ဖော် ဆောင်ရွက်နေသည်မှာ (၁) နှစ်တာကာလအတွင်းသို့ ချင်းနင်းဝင်ရောက်လာပြီဖြစ်ကြောင်း၊ ဒရုန်းကိုယ်ထည် အား Composite နည်းပညာများဖြင့် Federal Wings ၏ ထုတ်လုပ်ရေးတပ်ဖွဲ့များက ကိုယ်တိုင်ထုတ်လုပ်နိုင်သည့်အဆင့်သို့ ရောက်ရှိနေပြီဖြစ်ကြောင်း ပြည်သူသို့ အသိပေး အစီရင်ခံချက်အရ သိရသည်။

နည်းပညာဖွံ့ဖြိုးမှုအားကောင်းရန်အတွက် Research & Development (R&D) လုပ်ငန်းများအား Federal Wings မှ ကြိုးစားဆောင်ရွက်နိုင်သော် လည်း ထုတ်လုပ်ရေးလုပ်ငန်းများနှင့် ဒရုန်းတပ်ဆင်ရေးလုပ်ငန်းများအား လျှင်မြန်ထိရောက်စွာ အကောင်အထည်ဖော်နိုင်ရန်မှာ ပြည်သူလူထု၏ ငွေကြေးထည့်ဝင်မှုကိုသာ အားကိုးအားထားပြုရမည်ဖြစ်ကြောင်း Federal Wingsထံမှ သိရသည်။

ထို့ကြောင့် Federal Wings ဒရုန်းများ အားဖြည့်တပ်ဆင်ရန်အတွက် Federal Wings နှင့် Cobra (Campaign)၊ Federal Wings နှင့် KNDF/B-15 (Campaign)၊ Federal Wings နှင့် ယောဒေသ ဒရုန်းလက်ရုံးတပ်ဖွဲ့ (Campaign)စသည့် အစီအစဉ် (၃) ခုအား စတင်သွားမည်ဖြစ်သဖြင့် ပါဝင်အားဖြည့်ကူညီပေးနိုင်ကြပါရန် ပြည်သူလူထုအားမေတ္တာရပ်ခံကြောင်း၊

Federal Wings ၏ မူလပထမ အတောင်ပံများဖြစ်သော အဖွဲ့များထံတွင် ပါဝင်ကူညီအားဖြည့်နိုင်ကြောင်း Federal Wingsက ဆိုထားသည်။

ပုံ- Federal Wings ၏ တာဝေးစစ်ဆင်ရေးနှင့် ကင်းထောက်ဒရုန်း ထုတ်လုပ်ရေး Project များမှ ထုတ်လုပ်ထားသည့် VTOLများ