“သေချာပြီ ငါတို့နိုင်ပြီလို့တောင် စိတ်ထဲ ပေါ်ပေါ်လာတယ်။ နေပြည်တော်၊ ပျဉ်းမနားနဲ့ မိုင် ၃၀ အကွာမှာရှိတဲ့ စစ်တပ်စခန်းကို မဟာမိတ်အဖွဲ့များက သိမ်းလိုက်နိုင်တယ်ဆိုတာက ဒါက တော်တော်ကို ထူးခြားတဲ့ ထူးခြားမှုလို့ ပြောလို့ရတယ်။ ဆရာသာ မင်းအောင်လှိုင်ဆိုရင် အိပ်လို့ရမှာမဟုတ်ဘူး။”
အမျိုးသားညီညွတ်ရေးအစိုးရ ပြည်ထောင်စုဝန်ကြီး ဒေါက်တာဇော်ဝေစိုးနှင့်တွေ့ဆုံခြင်း
အရှိန်မြင့်တက်လာသော နွေဦးတော်လှန်ရေး၏ လက်နက်ကိုင်တော်လှန်ရေးတွင် လက်ရှိ ဖြစ်ပေါ်နေသော အခြေအနေများ၊ အောင်ပွဲများနှင့်ပတ်သက်ပြီး အမျိုးသားညီညွတ်ရေးအစိုးရ ပြည်ထောင်စုဝန်ကြီး ဒေါက်တာဇော်ဝေစိုးကို ပြည်သူမှ ပြည်သူသို့ အစီအစဉ်မှ ကိုဟန်ဇော်လတ်က တွေ့ဆုံမေးမြန်းထားပါသည်။
