Khit Thit သတင်းဌာန၏ အောက်တိုဘာ ၂၀ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၂၀ ရက် ညနေပိုင်းတင်ဆက်ပေးမယ့်သတင်းတွေကတော့
– အကြမ်းဖက် စစ်ကောင်စီရဲ့ မိတ္တီလာအခြေစိုက် တပ်မ ၉၉ လက်အောက်ခံ သာစည်မြို့ အမှတ် ၄၂၀ ခြေမြန်တပ်ရင်းက အရာရှိ ၆ ဦး အပါအဝင် စစ်သည် ၁၅ ဦး တပ်ကနေ စွန့်ခွာ ထွက်ပြေးသွားတယ်လို့ တပ်တွင်း သတင်းရင်းမြစ်က ရန်ကုန်ခေတ်သစ်ကို ပြောပါတယ်။
– ပဲခူးတိုင်း ၊ သဲကုန်း မြို့နယ်၊ ရင်းတိုက်မှော်ကျေးရွာမှာ ပျူစောထီး လုပ်မယ်ဆိုရင် တစ်လ ဆန်တစ်အိတ်၊ ဆီတစ်ပိဿာ နဲ့ ငွေကျပ် နှစ်သောင်းပေးမယ်ဆိုပြီး အကြမ်းဖက် စစ်ကောင်စီတပ်နဲ့ ကြံ့ဖွတ်ပါတီက လိုက်လံ စည်းရုံးပြီး စစ်သင်တန်း တက်ခိုင်းနေတယ်လို့ ဒေသခံ ပြည်သူတွေက ပြောပါတယ်။
– မြန်မာနိုင်ငံမှာ လူအစုလိုက်အပြုလိုက် သတ်ဖြတ်ပြီး လူသားမျိုးနွယ်အပေါ် စစ်ရာဇဝတ်မှု ကျူးလွန်နေတဲ့ မြန်မာစစ်တပ်ကို လက်နက်တွေ မရောင်းဖို့ သံအမတ်ကြီး ဦးကျော်မိုးထွန်းက ကုလသမဂ္ဂအစည်းအဝေးမှာ တောင်းဆိုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
