ဆင်ပေါင်ဝဲမြို့နယ်တွင် စစ်ကောင်စီ တပ်သားများ လိုက်ပါလာသော ဖောကား ၂ စီးကို ပစ်ခတ် တိုက်ခိုက်မှု စစ်တပ်ဘက်မှ ထိခိုက်သေဆုံးသူ များပြား
ရန်ကုန်၊ ဇန်နဝါရီ ၃
မကွေးတိုင်း၊ ဆင်ပေါင်ဝဲမြို့နယ်တွင် အကြမ်းဖက် စစ်ကောင်စီ တပ်သားများ လိုက်ပါလာသော ဖောကား ၂ စီးကို ပစ်ခတ် တိုက်ခိုက်ရာ စစ်တပ်ဘက်မှ ၁၅ ဦးသေဆုံးခဲ့ကြောင်း သရက်ခရိုင် တပ်ရင်း ၅ သတင်းတာဝန်ခံက ရန်ကုန်ခေတ်သစ် မီဒီယာသို့ ပြောဆိုသည်။
ဇန်နဝါရီလ ၂ ရက်နေ့ နံနက် ၁၀ နာရီခန့်တွင် ဆင်ပေါင်ဝဲမြို့နယ် ဓနုံးမြောင်ကျေးရွာမှ ထွက်ခွာလာသော စစ်ကောင်စီ တပ်သား ၆၀ ခန့်ပါ လိုက်ပါလာသော ဖောကား ၂ စီးကို တော်လှန်ရေး တပ်ဖွဲ့များက ဓနုံးမြောင်ရွာနှင့်ကုန်းဘိုရွာအကြားတွင် အနီးကပ် ပစ်ခတ် တိုက်ခိုက်ခဲ့ကြောင်း သိရသည်။
ယင်း တိုက်ခိုက်မှုအတွင်း အကြမ်းဖက် စစ်တပ်ဘက်မှ ၁၅ ဦးသေဆုံးပြီး အများအပြား ဒဏ်ရာရရှိခဲ့ပြီး တော်လှန်ရေး တပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့ကြောင်း၊ အကြမ်းဖက် စစ်တပ်၏ ရမ်းသမ်း ပစ်ခတ်မှုကြောင့် ပြည်သူ ၁ ဦး ဝမ်းဗိုက် ကျည်ထိမှန်ခဲ့ကြောင်း သိရှိရသည်။
” မီတာ ၂၀ လောက် အကွာကနေ ပစ်ခတ် တိုက်ခိုက်ခဲ့တာ စစ်ခွေး ၁၅ ကောင်သေတယ်” ဟု သရက်ခရိုင် တပ်ရင်း ၅ သတင်းတာဝန်ခံက ပြောဆိုသည်။
အဆိုပါ တိုက်ခိုက်မှုကို ဆင်ပေါင်ဝဲ ပကဖ နှင့် သရက်ခရိုင် တပ်ရင်း အမှတ် ၅ ပူးပေါင်းအဖွဲ့များက လုပ်ဆောင်ခဲ့ခြင်း ဖြစ်ကြောင်း သိရသည်။
Photo – အကြမ်းဖက် စစ်ကောင်စီ တပ်သားများကို တိုက်ခိုက်နေသော တော်လှန်ရေး တပ်ဖွဲ့ဝင်များ (ပုံအဟောင်းဖြစ်သည်)
![Pinterest](https://pinterest.com/pin/create/button/?url=https://yktnews.com/2024/01/138361/&media=https://yktnews.com/wp-content/uploads/2024/01/415319513_727243149503294_6381004298181078195_n.jpg&description=" မီတာ ၂၀ လောက် အကွာကနေ ပစ်ခတ် တိုက်ခိုက်ခဲ့တာ စစ်ခွေး ၁၅ ကောင်သေတယ်" ဟု သရက်ခရိုင် တပ်ရင်း ၅ သတင်းတာဝန်ခံက){kind=link}