“ပြည်သူတွေထဲက မွေးဖွားလာတဲ့ စစ်သားများ”
National Defense Network မှ ရဲဘော်များနှင့် တွေ့ဆုံမေးမြန်းခြင်း

စစ်တပ်က နိုင်ငံအာဏာကို မတရားသိမ်းပိုက်ပြီးတဲ့နောက် တစ်နိုင်ငံအတိုင်းအတာနဲ့ စစ်အာဏာရှင် ဆန့်ကျင် ဆန္ဒပြပွဲတွေ ပြုလုပ်ခဲ့ကြပါတယ်။ငြိမ်းချမ်းစွာ ဆန္ဒပြတဲ့ ပြည်သူတွေကို စစ်တပ်က ရက်ရက်စက်စက်ပစ်ခတ် ဖြိုခွင်းမှုတွေ ပြုလုပ်ခဲ့ပါတယ်။ဒီလိုပစ်ခတ်ဖြိုခွင်းမှုတွေကြောင့် ဆန္ဒပြရာမှ ပါဝင်ခဲ့တဲ့လူငယ်တွေဟာ မလွဲ မရှောင် သာပဲ လက်နက်နဲ့မတရားအနိုင်ကျင့်နေတဲ့ စစ်အုပ်စုကို တွန်းလှန်ဖို့ လက်နက်ကိုင်လမ်းစဉ်ကို ရွေးချယ် ခဲ့ရပါတယ်။ဒီလိုလက်နက်ကိုင်တော်လှန်ဖို့ လွတ်မြောက်နယ်ကို ရောက်လာကြတဲ့လူငယ်တွေထဲမှာ National Defense Network မှ ရဲဘော်တွေလည်းပါဝင်ခဲ့ပါတယ်။လူငယ်ရဲဘော်တွေရဲ့တော်လှန်ရေးကာလဖြတ်သန်းမှု အခက်အခဲ အတွေးအမြင်တွေကို မေးမြန်းထားပါတယ်။