ဖားဆောင်းမြို့၊ ခလရ ၁၃၅ တပ်ရင်း၏ ကာကင်းစခန်းကုန်းတစ်ခုကို သိမ်းပိုက်ရရှိ

ရန်ကုန်၊ မေ ၁၃

ကရင်နီပြည်နယ်၊ ဖားဆောင်းမြို့အနီး၌ တပ်စွဲထားသော အကြမ်းဖက်စစ်ကောင်စီလက်အောက်ခံ ခလရ ၁၃၅ တပ်ရင်း၏ ကာကင်းစခန်းကုန်းတစ်ခုကို သိမ်းပိုက်ရရှိခဲ့ကြောင်း ကလလတ ဗျူဟာ ၁ က ထုတ်ပြန်သည်။

ယနေ့ မေလ ၁၃ ရက် နံနက် ၁၀ နာရီ မိနစ် ၃၀ အချိန်ခန့်တွင် အဆိုပါ ကားကင်းစခန်းကုန်းကို သိမ်း ပိုက်ရရှိခဲ့ခြင်းဖြစ်ပြီး အကြမ်းဖက်စစ်သားများ စခန်းစွန့်ခွာထွက်ပြေးသွားကြောင်း၊ အကြမ်းဖက်စစ် သားများ အသုံးပြုသည့် MA ကျည် ၊ အီနာဂါကျည်၊ ၁၄ မိုင်း၊ ၁၆ မိုင်း ၊ ၁၈ မိုင်း ၊ လက်ပစ်ဗုံး၊ G3 ကျည် နှင့် MA ကျည်ဘောက်များ သိမ်းဆည်းရရှိခဲ့ကြောင်း သိရသည်။

အဆိုပါ တိုက်ခိုက်မှုကို ကလလတ ဗျူဟာ ၁ ၊ ၉၄၂၀ တပ်ရင်း ညွှန်ကြားရေးမှူးမှ ဦးဆောင်ကာ ၊ ကြယ်ဖြူ KNS Army နှင့် စစ်နည်းဗျူဟာ ၁ လက်အောက်ရှိ ၄၈၇၈ တပ်ရင်း ၊KA D-1Drone တပ်ဖွဲ့၊ စနိုက်ဘာတပ်ဖွဲ့ ၊ ကွန်မန်ဒိုအထူးတပ်ဖွဲ့အစရှိသော တပ်ဖွဲ့များ ပူးပေါင်းကာ တိုက်ခိုက်ခဲ့ခြင်း ဖြစ်ကြောင်း သိရသည်။

ယင်းအကြမ်းဖက်စစ်တပ်စခန်းကုန်း၌တော်လှန်ရေး ပူးပေါင်းတပ်ဖွဲ့ဝင်များက အခိုင်အမာ နေရာယူ တပ်စွဲလိုက်ပြီး အကြမ်းဖက်စစ်ကောင်စီ၏ ခလရ ၁၃၄ ၊ ၁၃၅ တပ်ရင်းတို့ကို အနီးကပ်စောင့် ကြည့် ၍ သိမ်းပိုက်ရန် ပြင်ဆင်လျက်ရှိကြောင်း သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar