ရန်ကုန်၊ မေ ၃
စစ်ရေးအရ တင်းမာမှုဖြစ်နေတဲ့ တနင်္သာရီတိုင်းနဲ့ မွန်ပြည်နယ်တွေကို ဖက်ဆစ် ဒုစစ်ခေါင်းဆောင် သွားရောက်စည်းရုံးနေပြီး မေလ ၁ ရက်နေ့မှ ၇ ရက်နေ့အထိ သွားရောက်မယ့် ခရီးစဉ် ဇယားရရှိထားပါတယ်။
မေလ ၁ ရက်နေ့မှာ တနင်္သာရီတိုင်း ဘုတ်ပြင်း၊ ကျွန်းစု၊ ဇာဒက်ကြီး၊ မော်တုံးကြီး၊ မြိတ်တို့ကို သွားရောက်ခဲ့ပြီး မေလ ၂ ရက်နေ့မှာ မြိတ်၊ ပလောက်၊ ကင်းတောင်၊ ဟိန်းဇဲ၊ မော်လမြိုင် မေလ ၃ ရက်နေ့မှာ မော်လမြိုင်၊ သံဖြူဇရပ်/ဝဲကလိ၊ရေးမြို့နယ်၊ ထားဝယ် မေလ ၄ ရက်နေ့မှာ ထားဝယ်၊ ကိုကိုးကျွန်း၊ မေလ ၅ ရက်နေ့မှာ ကိုကိုးကျွန်း၊ ရန်ကုန်၊ မေလ ၇ ရက်နေ့မှာ ရန်ကုန်၊ နေပြည် တော် မြို့ဆီ ပြန်လည် ထွက်ခွာမှာဖြစ်ပါတယ်။
အကြမ်းဖက် ဒုစစ်ခေါင်းဆောင် စိုးဝင်းဟာ လက်ရှိမှာ တိုက်ပွဲဖြစ်ပွားနေတဲ့ နယ်မြေတွေအားလုံးကို စည်းရုံးရေးတွေ ဆင်းနေပြီး အဓိကအားဖြင့် တပ်တွင်း ပြိုကွဲမှုမရှိအောင် လိုက်လံ ဖျောင်းဖြမှုတွေ လုပ်ဆောင်နေတယ်လို့ တပ်သတင်း ရင်းမြစ်တွေက ပြောပါတယ်။
