ဒီကနေ့ စက်တင်ဘာ ၂ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
- အကြမ်းဖက် မင်းအောင်လှိုင်ရဲ့ ညွှန်ကြားချက်အရ ရန်ကုန်တိုင်းအတွင်းမှာ ရပ်ကွက်နဲ့ ကျေးရွာအုပ်ချုပ်ရေးမှူး နေရာတွေမှာ ကြံ့ဖွတ်ပါတီအမာခံတွေနဲ့ စစ်တပ်ဘက်တော်သားတွေကို အုပ်ချုပ်ရေးမှုး အသစ်တွေ အဖြစ် တပြိုင်နက်တည်း အပြောင်းအလဲလုပ်နေပြီး ခန့်အပ်တာတွေကို တောက်လျှောက်လုပ်လာနေတယ်လို့ ရန်ကုန်ခေတ်သစ်ရဲ့ သတင်းရင်းမြစ်က ပြောထားပါတယ်။
- မကွေးတိုင်း ၊ ရေစကြိုမြို့ ခလရ ၂၅၈ တပ်ကနေ တပ်ပြောင်းရွှေ့လာတဲ့ အကြမ်းဖက် စစ်ကောင်စီ တပ်က ဗိုလ်ကြီးဇော်လင်း ဆိုသူရဲ့ ပစ္စည်းတွေနဲ့ အိမ်ထောင် ပရိဘောဂတွေပါ ကားတစ်စီးနဲ့အတူ ရှေ့တန်းမှာ သေသွားတဲ့ စစ်သားမိသားစုဝင် ၂ ဦးကိုပါ တော်လှန်ရေးတပ်တွေက အရှင်ဖမ်းဆီး ရမိထားတယ်လို့ Southern YSO PDF တပ်ဖွဲ့ရဲ့ တာဝန်ခံ ကိုအောင်မောင်းက ရန်ကုန်ခေတ်သစ်ကို ပြောပါတယ်။
- စစ်ကိုင်းတိုင်း ၊ ထီးချိုင့်မြို့ကို တက်လာတဲ့ အကြမ်းဖက် စစ်ကော်စီတပ်ရဲ့ စစ်သင်္ဘော ၅ စင်းကို KIA နဲ့ PDF ပူးပေါင်းတပ်တွေက တိုက်ခိုက်ခြေမှုန်းရာမှာ ၂ ထပ်စစ်သင်္ဘော ၂ စီး ထိခိုက်ပျက်စီး သွားပြီး ကျန်တဲ့ ၃ စီးက ရေလယ်မှာ ရပ်သွားသလို ၊ တော်လှန်ရေးတပ်တွေက ဝိုင်းဝန်းတိုက်ခိုက်နေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
