Khit Thit သတင်းဌာန၏ အောက်တိုဘာ ၁၄ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၁၄ ရက် မနက်ပိုင်း တင်ဆက်ပေးမယ့် သတင်းတွေကတော့
-ဧရာ၀တီတိုင်း၊ ရေကြည်မြို့နယ်၊ ငါးသိုင်းချောင်းမြို့၊ ပုသိမ်-မုံရွာလမ်းမကြီးနဲ့ ဂွ-ငါးသိုင်းချောင်းလမ်းဆုံက ရေနံ့သာစစ်ဆေးရေးဂိတ်က စက်သုံးဆီ၊ စားနပ်ရိက္ခာ၊ ဆေးဝါးအပါအဝင် ကုန်ပစ္စည်းတွေ ရခိုင်ကို လာဘ် ငွေ သိန်းထောင်ပေါင်းများစွာ ရယူ ခွင့်ပြုခဲ့တဲ့ အနောက်တောင်ပိုင်းတိုင်းစစ်ဌာနချုပ်က ဗိုလ်မှူးကြီး မျိုးညွန့်ဦး ၊ ဗိုလ်မှူးကြီးအောင်ဆန်းလွင်အပါအဝင် အရာရှိ ၆ ဦးထက်မနည်းကို စစ်ခုံရုံးက စွဲချက်တင်ထား တယ်လို့ စစ်ဘက်သတင်းရင်းမြစ်က ပြောပါတယ်။
စစ်ကိုင်းတိုင်း၊ ဘုတလင်မြို့ပေါ်မှာ အကြမ်းဖက်စစ်ကောင်စီတပ်က ကလေးငယ် ၃ ဦးအပါအဝင် မိသားစုဝင် ၆ ဦးကို ရက်ရက်စက်စက်သတ်ဖြတ်ခဲ့တယ်လို့ ဒေသသတင်းရင်းမြစ်တွေက ပြောပါတယ်။
ရန်ကုန်တိုင်း၊ လှိုင်သာယာမြို့နယ်အနောက်ပိုင်း စီမံအုပ်ချုပ်ရေးကောင်စီဝင် ကျော်သူဝင်း ခေါ် ရွှေမန်းနဲ့ ကိုယ်ရေးအရာရှိတို့ကို မနေ့ကမနက်ပိုင်းမှာ တော်လှန်ရေးတပ်တွေက ဝင်ရောက်ပစ်ခတ်လို့ ဒဏ်ရာ အပြင်းအထန်ရသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
