ဒီကနေ့ အောက်တိုဘာ ၁၇ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
- မြန်မာနိုင်ငံတစ်ဝန်းက ပြည်ပထုတ်ကုန် ပစ္စည်းမှန်သမျှကို အကြမ်းဖက် စစ်ကောင်စီနဲ့ ပူးပေါင်းအဖွဲ့တွေက ဖမ်းဆီးစစ်ဆေး သိမ်းယူတာတွေ လုပ်နေပြီး လက်ဝယ်ထားရှိတဲ့သူတွေကို ထောင်ဒဏ် ၃ နှစ်အထိပါ ချမှတ်နိုင်တဲ့ ပို့ကုန်သွင်းကုန်ဥပဒေနဲ့ အမှုဖွင့်တရားစွဲတာတွေ လုပ်နေပြီလို့ စစ်ကောင်စီရဲ့ စီးပွားကူးသန်း သတင်းရင်းမြစ်က ရန်ကုန်ခေတ်သစ်ကို ပြောပါတယ်။
- ကရင်ပြည်နယ်၊ မြ၀တီမြို့နယ်က လေ့ကေ့ကော်မြို့သစ် အနီးမှာရှိတဲ့ အကြမ်းဖက် စစ်ကောင်စီတပ်ရဲ့ စွယ်တော်ကုန်း ဗျူဟာ တပ်စခန်းကို KNLA – pdf ပူးပေါင်းတပ်တွေက ဒီကနေ့ မနက်ပိုင်းမှာပဲ တိုက် ခိုက်သိမ်းပိုက်လိုက်ပြီး ၊ စစ်သုံ့ပန်းနဲ့ လက်နက်ခဲယမ်းတွေလည်း ရရှိထားသလို ၊ တပ်မ ၄၄ ဗျူဟာမှူး နဲ့ စစ်ကောင်စီတပ်သားတချို့ကတော့ ထွက်ပြေးကုန်ကြတယ်လို့ KNLA-PDF သတင်းရင်းမြစ်က ရန်ကုန်ခေတ်သစ်ကို ပြောပါတယ်။
- အကြမ်းဖက် မင်းအောင်လှိုင်ဟာ ရှမ်းပြည်နယ်မြောက်ပိုင်းမှာ တိုက်ပွဲတွေဆက်လက်ဖြစ်ပွားနေပြီး သီပေါမြို့ပါ TNLA PDF ပူးပေါင်းတပ်တွေက သိမ်းပိုက်လိုက်တဲ့အချိန်မှာပဲ လာမယ့် နိုဝင်ဘာလမှာ တရုတ်နိုင်ငံကို သွားရောက်မှာဖြစ်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
