ဒီကနေ့ အောက်တိုဘာ ၂၄ ရက် မနက်ပိုင်း တင်ဆက်ပေးမယ့် သတင်းတွေကတော့
- ကရင်ပြည်နယ်နဲ့ မွန်ပြည်နယ်အစပ် KNU တပ်မဟာ ၆ နယ်မြေအတွင်း စစ်တပ်ရဲ့ နောက်ဆုံးအင်အား အကြီးဆုံးဗျူဟာစခန်းဖြစ်တဲ့ အနန်းကွင်းတပ်စခန်းက စစ်သား ၃၀ ကျော် လက်နက်ချအလင်းဝင်လာ တယ်လို့ တော်လှန်ရေးသတင်းရင်းမြစ်က ရန်ကုန်ခေတ်သစ်ကို ပြောပါတယ်။
- ပဲခူးတိုင်း၊ ဝေါမြို့နယ် ၊ ရှမ်းကိုင်းရွာ အကြမ်းဖက်စစ်တပ်ဂိတ်ကို ဝင်ရောက်တိုက်ခိုက်စဉ် စခန်းဦးစီး စစ်အရာရှိက တပ်ဖွဲ့ဝင်တွေကို ချန်ခဲ့ကာ ထွက်ပြေးလွတ်မြောက်သွားပြီး စစ်အရာရှိဖုန်းထဲက ပျူစောထီး အမည်စာရင်းတွေ ရရှိထားတယ်လို့ ဝေါမြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။
- စစ်ကိုင်းတိုင်း၊ စစ်ကိုင်းမြို့နယ်၊ ဆားတောင်ရဲစခန်းအတွင်း စစ်သားမင်္ဂလာပွဲကျင်းပနေစဉ် ဒရုန်းနဲ့ ဗုံးကျဲ တိုက်ခိုက်ခဲ့ရာ စစ်သား ၄ ဦး သေဆုံးပြီး သတို့သားအပါအဝင် စစ်သား၊ ပျူစောထီး ၁၂ ဦး ဒဏ်ရာရရှိ ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
