Khit Thit သတင်းဌာန၏ အောက်တိုဘာ ၂၆ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၂၆ ရက် ညနေပိုင်း တင်ဆက်ပေးမယ့် သတင်းတွေကတော့
-ပြင်ဦးလွင်မြို့မှာ ၁၀၂၇ စစ်ဆင်ရေး တစ်နှစ်ပြည့်အဖြစ် တိုက်ခိုက်ခံရမှာကို စိုးရိမ်ပြီး အကြမ်းဖက် စစ်ကောင်စီက လုံခြုံရေးတွေ တပ်လှန့်ထားတဲ့အပြင် ဖုန်းလိုင်း နဲ့ အင်တာနက်လိုင်းတချို့ ပါ ပြတ်တောက်သွားတယ်လို့ စစ်တပ်သတင်းရင်းမြစ်ကပြောထားသလို ၊ ဒေသခံပြည်သူတွေကလည်း ရန်ကုန်ခေတ်သစ်ကို ပြောထားပါတယ်။
မကွေးတိုင်း၊ ထီးလင်းမြို့နယ်က ကျားခဲ ကျေးရွာနေ အရပ်သား ပြည်သူ ၄ ဦးကို အကြမ်းဖက် စစ်ကောင်စီတပ်က အရှင်လတ်လတ် မီးရှို့သတ်ဖြတ်သွားပြီး နောက်ထပ်ပြည်သူ ၁ ဦးက သေနတ်နဲ့ပစ်သတ်ခံလိုက်ရတယ်တယ်လို့ YRA ထီးလင်းတပ်ဖွဲ့ရဲ့ သခင်ဇော်က ရန်ကုန်ခေတ်သစ်ကို ပြောပါတယ်။
စင်ကာပူနိုင်ငံမှာ ၃ လွှာတိုက်ခန်းအစွန်းပေါ်ကနေ ပြုတ်ကျခါနီး ကလေးငယ်ကို မြန်မာနိုင်ငံသား ကိုစသူရအောင် နဲ့ ဘင်္ဂလားဒေ့ရှ်နိုင်ငံသားတို့က ဘေးမသီ ရန်မခ ကယ်တင်ပေးခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
