အမေရိကန်နိုင်ငံ Boston မြို့ တွင် NUG ဝန်ကြီး ဒေါက်တာဆာဆာ တွေ့ဆုံပွဲနှင့် ‘ဖြတ်’ ရုပ်ရှင်ဇာတ်ကား ပြသပွဲ ပြုလုပ်
အမေရိကန်နိုင်ငံ၊ Massachusetts ပြည်နယ်၊ Boston မြို့ တွင် မြန်မာ မိသားစုများနှင့် NUG အပြည်ပြည်ဆိုင်ရာ ပူပေါင်းဆောင်ရွက်ရေး ဝန်ကြီးဌာန ဝန်ကြီး ဒေါက် တာဆာဆာ တွေဆုံပွဲ နှင့် ‘ဖြတ်’ရုပ်ရှင်ဇာတ်ကား ပြသပွဲပြုလုပ်ခဲ့ကြောင်း သိရှိရသည်။
နိုဝင်ဘာလ ၃၀ ရက်နေ့တွင် အဆိုပါပွဲ ၂ ခုကို ပြုလုပ်ခဲ့ခြင်း ဖြစ်ပြီး ဒေါက်တာဆာဆာ က လက်ရှိ တော်လှန်ရေးအခြေအနေများကို ရှင်းလင်းပြောကြားသွားကာ တက်ရောက်လာသော ပရိသတ်များ၏ သိလိုသောမေးခွန်းများကို ဖြေ ကြား ပေးခဲ့သည်။
ထို့နောက် တော်လှန်ရေး အနုပညာရှင် မင်းမော်ကွန်း ဦးဆောင်ပါဝင်ပြီး ဒါရိုက်တာ စောအေးထူး စီစဉ်တင်ဆက်သည့် ” ဖြတ် ” ရုပ်ရှင်ဇာတ်ကားနှင့်ပတ်သက်သော အမှတ်တရပစ္စည်း ရောင်းချခြင်း၊ လေလံတင်ခြင်းများအပြင် မြန်မာအစားစားများလည်း ရောင်းချခဲ့ကာ ရရှိသော ရန်ပုံငွေ အားလုံးကို တော်လှန်ရေးအတွက် လိုအပ်သောနေရာများသို့ တိုက်ရိုက်လှူဒါန်းသွားမည်ဖြစ်ကြောင်း သိရှိရသည်။
