ရန်ကုန်၊ ဒီဇင်ဘာ ၁၀
ကချင်ပြည်နယ်၊ ဗန်းမော်မြို့တွင် တိုက်ပွဲပြင်းထန်ပြီး စစ်တပ်က လက်နက်ကြီးဖြင့် ပစ်ခတ်မှု၊ လေယာဉ်ဖြင့် ဗုံးကျဲမှုများကြောင့် နေ့ရောညပါ မြို့ မီးလောင်နေကြောင်း ဒေသပြည်သူများနှင့် KIA သတင်းရင်းမြစ်ထံမှ သိရှိရသည်။
ဒီဇင်ဘာလ ဒီဇင်ဘာလ ၄ ရက်နေ့ နံနက်၅ နာရီမှစတင်၍ ဗန်းမော်မြို့၊ မံစီမြို့တို့ကို သိမ်း ပိုက်နိုင်ရေးအတွက် KIA မဟာမိတ်ပူးပေါင်းတပ်များက ထိုးစစ်ဆင်ခဲ့ကြောင်း၊ ဒီဇင်ဘာလ ၆ ရက်နေ့ ညပိုင်းအထိ ဗန်းမော်မြို့တွင် တိုက်ပွဲပြင်းထန်နေပြီး စစ်တပ်က မြို့ပေါ်သို့ ရည်ရွယ်ချက်ရှိရှိ ပစ်ခတ်မှုများ လုပ်ဆောင်နေသဖြင့် မြို့မီးလောင်နေကြောင်း သိရှိရသည်။
“ဗန်းမော်မြို့မ ရဲစခန်း၊ စုပေါင်း ရုံးကြီး၊ ၄ မိုင်စခန်း၊ မင်းလှ စခန်း၊ ခလရ ၄၇ တပ်ရင်းနဲ့ စကခ ၂၁ မှာ တိုက်ပွဲတွေ အပြင်းအထန်ဖြစ်နေတယ်။ စစ်တပ်က မြို့ကို လက်နက်ကြီးတွေနဲ့ လေယာဉ်တွေနဲ့ ဗုံးကျဲ ပစ်ခတ်နေတော့ မြို့က နေရာညပါ မီးလောင်နေတယ်။ တိုက်ပွဲကတော့ နေ့ရော ညပါ ပြင်းထန်နေတယ်” ဟု KIA သတင်းရင်းမြစ်က ပြောဆိုသည်။
အလားတူ မံစီမြို့နယ်တွင်လည်း တိုက်ပွဲ ပြင်းထန်နေပြီး ဗန်းမော်နှင့် မံစီမြို့နယ်များသို့ မြေပြင် စစ်ကူစစ်ကြောင်းများ မလာရောက်နိုင်ရန် တော်လှန်ရေးတပ်များက ဖြတ်တောက်ပိတ်ဆို့ တိုက်ခိုက်နေကြောင်း သိရှိရသည်။
ဓာတ်ပုံ – ဗန်းမော်မြို့ဘက်တွင် မီးလောင်နေသည်ကို ယနေ့ညပိုင်း ဧရာ၀တီမြစ်တစ်ဖက်ကမ်းမှ မြင်တွေ့ရစဉ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
