ပခုက္ကူ၊ ရေလာလေးရွာ ပျူစောထီးစခန်းကို တိုက်ခိုက်သိမ်းပိုက်မှု စစ်သား ၆ ဦး သေဆုံးပြီး ၇ ဦး အရှင်ဖမ်းမိ၊ လက်နက် ၁၈ လက်၊ ခဲယမ်းများ၊ ရွှေ၊ ငွေ ကြေးများနှင့်စစ်သုံးပစ္စည်းများပါ သိမ်းဆည်းရရှိ

ရန်ကုန်၊ ဒီဇင်ဘာ ၁၃

မကွေးတိုင်း၊ ပခုက္ကူမြို့နယ်၊ ရေလာလေးရွာ ပျူစောထီးစခန်းကို တိုက်ခိုက်သိမ်းပိုက်ခဲ့ရာ စစ်သား ၆ ဦး သေဆုံးပြီး ၇ ဦး အရှင်ဖမ်းမိကာ လက်နက် ၁၈ လက်၊ ခဲယမ်းများ၊ ရွှေ၊ ငွေကြေးများနှင့် စစ်သုံးပစ္စည်းများ သိမ်းဆည်းရရှိခဲ့ ကြောင်း Earthquake People’s Defense Force မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဒီဇင်ဘာလ ၁၁ ရက်နေ့ နံနက် ၆ နာရီအချိန် ပခုက္ကူမြို့နယ်၊ ရေလာလေးကျေးရွာရှိ အကြမ်းဖက်စစ်တပ် လက် အောက်ခံ ပျူစောထီးစခန်းကို အမှတ် ၈ စစ်ကြောင်းက ဦးဆောင်ပြီး တော်လှန်ရေးတပ်ဖွဲ့များ ပူးပေါင်း ၍ ဝင်ရောက်စီးနင်းတိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁ နာရီခွဲခန့်ကြာမြင့်ခဲ့ကြောင်း၊ အကြမ်းဖက်စစ်သား ၆ ဦးသေဆုံးကာ ၇ ဦးအရှင်ဖမ်းမိပြီး လက် နက် ၁၈ လက်နှင့် ခဲယမ်းအများ အပြား သိမ်းဆည်းရရှိခဲ့ကြောင်း သိရသည်။

“စစ်ခွေးသေဆုံးမှု မျက်မြင်ကတော့ ၆ ဦးပါ။ အမှတ် ၈ စစ်ကြောင်းဦးဆောင်မှုနဲ့ ကျောင်းသားတပ် ပခုက္ကူ local တပ်ရင်းတွေစုပေါင်းတိုက်ခိုက်ခဲ့တာပေါ့။ လက်နက်ကိုင်pdfတွေအခုလိုစုပေါင်းတိုက်ရင် မြန်မြန်ပြီးလာနိုင်မယ်ထင်ပါတယ်” ဟု Earthquake People’s Defense Force မှ တာဝန်ရှိသူက ရှင်းပြသည်။

ပခုက္ကူတွင် တော်လှန်ရေးတပ်ဖွဲ့များ စုပေါင်းတိုက်ခိုက်မှုသည် အောင်မြင်မှု၏ သော့ချက်တစ်ခုဖြစ်ကြောင်း အမှတ် ၈၁၅ တပ်ဖွဲ့၊ အနောက်မြောက်စစ်ဒေသမှ သတင်းနှင့်ပြန်ကြားရေးတာဝန်ခံက ပြောဆိုသည်။

“ရန်သူစစ်အုပ်စုကိုတိုက်ခိုက်ဖို့အတွက် မတူတာတွေဘေးဖယ်ပြီး တူတာတွေတွဲလုပ်ကြတယ်လို့ မြင်ပါတယ်” ဟု အမှတ် ၈၁၅ တပ်ဖွဲ့၊ အနောက်မြောက်စစ်ဒေသမှ သတင်းနှင့်ပြန်ကြားရေးတာဝန်ခံက ရန်ကုန်ခေတ်သစ်သတင်းဌာနထံသို့ ရှင်းလင်းပြောကြားသည်။

ပျူစောထီး တပ်စခန်းအတွင်းမှ ၆၀ မမ စိန် ပြောင်း ၁ လက် ၊ MA2 သေနတ် ၁ လက် ၊ MA3 သေနတ် ၁ လက် ၊ M2 ကာဘိုင် သေနတ် ၁၂ လက် ၊ရှော့ဂန်း ၃ လက် ၊ ၅ ဒသမ ၅၆ လက် လုပ် သေနတ် ၁ လက်၊ ကျည်ဘောက် ၁၀ ဘောက်၊ ကျည်မျိုးစုံ နှစ်ထောင် ဝန်းကျင် နှင့် စစ်အသုံး အ ဆောင် ပစ္စည်းများဖြစ်ကြောင်း သိရသည်။

ထို့ပြင် မီးစက် ၁ လုံး၊ ရေစက် ၁ လုံး၊ ရွှေဆွဲကြိုး ၁ ကုံး၊ လက်စွပ် ၂ ကွင်း၊ နားကပ် ၁ ရံ၊ ရေခဲသေတ္တာ ၁ လုံး၊ ကား ၁ စီး၊ ငွေကျပ် ၁၄၅ သိန်း၊ ဒေါ်လာ ၁၀၂ ဒေါ်လာ၊ ထိုင်းဘတ် ၇၀ တို့ကိုလည်း သိမ်းပိုက်ရရှိခဲ့ကြောင်း သိရှိရသည်။

ယင်းအကြမ်းဖက်စခန်းကို တိုက်ခိုက်ရာတွင် တပ်စခန်းနှင့်ဘန်ကာများကို တော် လှန်ရေးပူးပေါင်း တပ်ဖွဲ့များက တဆင့်ချင်း တိုက်ခိုက်ချေမှုန်းကာ တိုက် ခိုက်ခဲ့ခြင်းဖြစ်ပြီး အကြမ်းဖက်စစ်ကောင်စီ တပ်က လေကြောင်းဖြင့် ၄ ကြိမ်တိတိ ဗုံးကျဲပစ်ကူပေးခဲ့ကြောင်း သိရသည်။

အကြမ်းဖက်စစ်တပ်၏ လေကြောင်းတိုက်ခိုက်မှုအတွင်း အမှတ် ၈ စစ် ကြောင်း အဖွဲ့ ဝင် ကျောင်းသားတော်လှန်ရေး တပ်ဖွဲ့ (SRF) မှ တပ်စိပ်မှူး ရဲဘော်ထောင့်မကျိုး (ခ) ရဲဘော်ဟိန်း မင်းခန့် နှင့် ပြည်သူ့လွတ်မြောက် ရေး တပ် မတော် (PLA) အနောက်မြောက်စစ်ဒေသ အထူးတပ်ဖွဲ့မှ ငါးမျိုးကောင်းစစ်သည်ဆုရ ရဲဘော် ကိုထက် တို့ ကျဆုံးခဲ့ကြောင်း၊ ထို့အပြင် တော်လှန်ရေးတပ်ဖွဲ့ဝင် ၃ ဦးနှင့် ဒေသနေပြည်သူ ၃ ဦး တို့လည်း ထိခိုက်ဒဏ်ရာရရှိခဲ့ကြောင်း သိရသည်။

စစ်ဆင်ရေးကို အမှတ် ၈ စစ်ကြောင်း ဦးဆောင်မှုဖြင့် ကျောင်းသားလက် ရုံးတပ်တော် (SAF) ၊ ပြည်သူ့လွတ်မြောက်ရေးတပ်မတော် (PLA) အနောက် မြောက်စစ်ဒေသ အထူးတပ်ဖွဲ့ ၊ Earthquake People’s Defense Force ၊ ပခုက္ကူခရိုင် (Local) တပ်ရင်းနှင့် Kamma Revolution Force တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar