ဝက်လက်မြို့နယ်အတွင်းရှိ စစ်အာဏာရှင် စနစ် အမြစ်ပြတ်ချေမှုန်းရေး၊ ဖက်ဒရယ်ဒီမိုကရေစီရရှိရေး ချီတက် ဆန္ဒပြ
ဝက်လက်မြို့နယ်အတွင်းရှိ ကျေးရွာတစ်ရွာတွင်ဝက်လက်မြို့နယ် လူထုသပိတ်တိုက်ပွဲ ဦးဆောင်ကော်မတီနှင့် ဒေသပြည်သူလူထုတို့ပူးပေါင်း၍ ” ငြိမ်နေရင် ပင့်ကူအိမ်တောင်ငြိလိမ့်မယ် ရုန်းထွက်ရင်သံကြိုးတွေတောင် ပြတ်နိုင်တယ် ” ၊ ” လူ့အခွင့်အရေးထွန်းကားစေ တရားမျှတလွတ်လပ်မြေ ” စသည့် ဘန်နာစာသားများကိုင်စွဲကာ စစ်အာဏာရှင်စနစ် အမြစ်ပြတ်ချေမှုန်းရေး၊ ဖက်ဒရယ်ဒီမိုကရေစီရရှိရေး ကြွေးကြော်သံများနှင့်အတူ လူထုလှုပ်ရှားမှု သပိတ်စစ်ကြောင်းကို ဒီဇင်ဘာလ ၂၀ ရက်နေ့တွင် ချီတက်ခဲ့ကြကြောင်း သိရှိရသည်။
ထို့ပြင် ဝက်လက်မြို့နယ်အတွင်းရှိ ကျေးရွာတစ်ရွာတွင်လည်း ဝက်လက်မြို့နယ် လူထုသပိတ်တိုက်ပွဲ ဦးဆောင်ကော်မတီက တော်လှန်ရုပ်ရှင်ပြသခြင်းနှင့် အထိုင်သပိတ်ကို ပြုလုပ်ခဲ့ကြောင်း သိရှိရသည်။
