စစ်ကောင်စီက CDM များကို အမည်ပျက်စာရင်း မှ ပယ်ဖျက် ပေးမည်ဆိုသော ကြေညာချက်ကြောင့် သွားရောက် လျှောက် ထားခဲ့ သော်လည်းကို ပယ်ဖျက်ပေးခြင်းမရှိသည့်အပြင် နိုင်ငံကူးလက်မှတ်လျှောက်ထားခွင့်နှင့် ပြည်ပထွက်ခွင့် ဆက်ပိတ်

စစ်ကောင်စီက CDM များကို အမည်ပျက်စာရင်း မှ ပယ်ဖျက် ပေးမည်ဆိုသော ကြေညာချက်ကြောင့် သွားရောက် လျှောက် ထားခဲ့ သော်လည်းကို ပယ်ဖျက်ပေးခြင်းမရှိသည့်အပြင် နိုင်ငံကူးလက်မှတ်လျှောက်ထားခွင့်နှင့် ပြည်ပထွက်ခွင့် ဆက်ပိတ်

ရန်ကုန်၊ ဇန်နဝါရီ ၁၉

အကြမ်းဖက် စစ်ကောင်စီက CDM များကို Blacklist မှ ပယ်ဖျက်ပေးမည်ဆိုသော ကြေညာချက်ကြောင့် သွားရောက် စာရင်းပေးခဲ့သူများကို အမည်စာရင်း ပယ်ဖျက်ပေးခြင်းမရှိဘဲ ပြည်ပထွက်ခွာခွင့် ဆက်လက် ပိတ်ပင်ထားကြောင်း လျှောက်ထားခဲ့သော CDM ဝန်ထမ်း တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

၂၀၂၄ ခုနှစ် ဇူလိုင် ၁၂ ရက်နေ့တွင် အကြမ်းဖက် စစ်ကောင်စီက နိုင်ငံ့တာဝန်ထမ်းဆောင်ခဲ့ပြီး Blacklists တွင် ပါဝင်နေသူများအား ဖြေလျှော့ပေးမည်ဟုဆိုကာ ထုတ်ပြန်ချက် တစ်စောင် ထုတ်ပြန်ခဲ့ကြောင်း၊ ယင်း ထုတ်ပြန်ချက်ကြောင့် CDM ဝန်ထမ်း တချို့က သွားရောက်စာရင်းပေးသွင်းခဲ့ပြီး လက်ရှိချိန်ထိ Blacklists မှ ပယ်ဖျက်ပေးခြင်းမရှိသေးဘဲ ပြည်ပထွက်ခွာခွင့် ဆက်လက် ပိတ်ပင်ထားဆဲဖြစ်ကြောင်း သိရသည်။

အကြမ်းဖက် စစ်ကောင်စီက Blacklists ပယ်ဖျက်ရန် လျှောက်ထားခဲ့သော CDM ဝန်ထမ်းများကို NLD အစိုးရ လက်ထက်က ထုတ်ချေးထားသော ချေးငွေများကို ပြန်ဆပ်ခိုင်းပြီး ကတိကဝတ်များဖြင့် အချက်အလက်များကို စုံလင်စွာ တောင်းခံခဲ့ပြီး ၎င်းတို့ တောင်းခံသော အချက်အလက်များ စုံလင်စွားပေးပို့ထားသော်လည်း လက်ရှိချိန်ထိ ပြည်တွင်းပြည်ပ အလုပ်လုပ်ကိုင်ခွင့်များကို တားဆီးပိတ်ပင်ထားဆဲဖြစ်ကြောင်း သိရှိရသည်။

“စစ်ကောင်စီရဲ့ Blacklist ပယ်ဖျက်ပေးမယ်ဆိုတဲ့ ကြေညာချက်ချက်ကြောင့် ကျနော်နဲ့ နဲ့ကျနော် အသိမိတ်‌ဆွေတွေ စာရင်းပေးခဲ့ပါတယ်။ စာရင်းပေးခဲ့ပေမယ့်လည်း ၇ လ ကြာတဲ့အထိ Blacklist မပယ်ဖျက် ပေးသေးပါဘူး။ စာရင်းပေးတုန်းကလည်း စစ်ကောင်စီက NLD အစိုးရ လက်ထက်က ပေးထားတဲ့ ၂ လ ချေးငွေလည်း ပြန်တောင်းခံပါတယ်။ ကတိကဝတ် အချက်အလက်တွေလည်း စုံလင်စွာ‌ပေးခဲ့ရပါတယ်။ အခုထိ ဘာသတင်းမှ အကြောင်းမပြန်ပါဘူး။ နောက်လူတွေလည်း အယုံလွယ်ပြီး Blacklist စာရင်း ပယ်ဖျက်ဖို့ စာရင်းသွားပေးမယ်ဆိုရင် သေချာစဉ်းစားဖို့လိုပါတယ်” ဟု CDM ဝန်ထမ်း တစ်ဦးက ပြောဆိုသည်။

အဆိုပါ စာရင်း သွားရောက်ပေးခဲ့သော CDM ဝန်ထမ်းသည် ၂၀၂၁ ခုနှစ်တွင် ခွင့်မဲ့ ပျက်ကွက်သည်ဟုဆိုကာ CDM စာရင်းသွင်းခံရသော ဝန်ထမ်းတစ်ဦးဖြစ်ပြီး လက်ရှိအချိန်တွင် Passport လုပ်ရန် ကြိုးစားခဲ့ကြောင်း၊ သို့ရာတွင် ပြည်ထဲရေးဝန်ကြီးဌာနက အမည်ပျက်စာရင်းသွင်းထား၍ ပတ်စ်ပို့လုပ်မရဟု အကြောင်းပြန်လာကြောင်း သိရှိရသည်။

အကြမ်းဖက် စစ်တပ်၏ ထုတ်ပြန်ချက်တွင် နိုင်ငံ့ဝန်ထမ်း အချို့သည် အကြောင်း အမျိုးမျိုးကြောင့် ခွင့်ပြုချက် မရရှိဘဲ လုပ်ငန်းခွင်ကို စွန့်ခွာသွားကြသည့်အတွက် သက်ဆိုင်ရာ ဌာနများ၏ Blacklists တွင် ပါဝင်လျက်ရှိနေခြင်းကြောင့် နိုင်ငံတော်အတွက် လူသားအရင်းအဖြစ် ဆုံးရှုံးမှုများ ဖြစ်ပေါ်သည့်အပြင် ကာယကံရှင်များ၏ လူမှုဘဝ များလည်း နစ်နာလျက်ရှိသောကြောင့် ကုစားပေးနိုင်ရန် လုပ်ငန်းခွင်စွန့်ခွာရသည့် အကြောင်းခြင်းရာအပေါ် မူတည်၍ Blacklists မှ ပယ်ဖျက် ဖြေလျှော့ပေးပြီး ဥပဒေဘောင်အတွင်း နေထိုင်သွားလာနိုင်ရန် ဆောင်ရွက် ပေးမည်ဖြစ်ကြောင်း ကြေညာခဲ့သည်။