ရေဖြူမြို့နယ်၊ နဘုလယ်ဆိပ်ကမ်းတွင် စစ်တပ်က လက်နက်ခဲယမ်းများစုပုံထားစဉ် ဒရုန်းဖြင့် ဗုံးကျဲမှု စစ်ကောင်စီ၏ ဒရုန်း ၂ စီး အပါအဝင် လက်နက်ခဲယမ်းများ မီးလောင်ပေါက်ကွဲပျက်စီး

ရန်ကုန်၊ ဇန်နဝါရီ ၂၂

တနင်္သာရီတိုင်း၊ ရေဖြူမြို့နယ်၊ နဘုလယ်ဆိပ်ကမ်း၌ လက်နက်ခဲယမ်းများ စုပုံထားစဉ် ဒရုန်းဖြင့် ဗုံးကျဲတိုက်ခိုက်ခဲ့ရာ ဒရုန်း ၂ စီးအပါအဝင် လက်နက်ခဲယမ်းများ မီးလောင်ပေါက်ကွဲပျက်စီးခဲ့ကြောင်း ဗထူးတပ်မတော် -BHA တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြော ကြားသည်။

ယမန်နေ့ ဇန်နဝါရီလ ၂၁ ရက် မွန်းလွဲ ၂ နာရီက ရေဖြူမြို့နယ် ၊ နဘုလယ်ရေနက်ဆိပ်ကမ်းအနီး ပင်လယ်ပြင်ရှိ စစ်သင်္ဘောမှ နဘုယ်လယ်ရေနက်ဆိပ်ခန်းရှိ အကြမ်းဖက်အခြေစိုက် တပ်စခန်းသို့ လက်နက်ခဲယမ်းများ ဖြည့်တင်းရန် ရေလမ်းကြောင်း မှတဆင့် Multi – Drone ၂ စီး အပါအဝင် လက်နက်ကြီး ၊ လက်နက်ငယ် နှင့် ခဲယမ်းအမြောက်အများ သယ်ဆောင်လာခဲ့ကြောင်း သိရသည်။

ထိုသို့သယ်ဆောင်လာပြီးနောက် နဘုလယ်ဆိပ်ကမ်း၌ စုပုံထားကာ အခြေစိုက်စခန်းသို့ သယ်ဆောင် ရန် ကားစောင့်နေစဉ် တော်လှန်ရေးပူးပေါင်းတပ်ဖွဲ့မှ ဒရုန်းဖြင့် ဗုံးသီး ၃ လုံးကျဲချတိုက်ခိုက်ခဲ့ရာ စုပုံ ထားသည့် လက်နက်ခဲယမ်းပုံအတွင်းသို့ ကျရောက်ပေါက်ကွဲပြီး Multi – Drone ၂ စီး အပါအဝင် လက်နက်ကြီး ၊ လက်နက်ငယ် နှင့် ခဲယမ်းအမြောက်အများ အားလုံး နီးပါး မီးလောင်ပေါက်ကွဲ၍ ပျက်စီးသွားကြောင်း သိရသည်။

“သေဆုံးထိခိုက်မှုကတော့ မသိရသေးဘူး။ ဒရုန်းဗုံးသီး ကျတဲ့အချိန် အကုန်ထွက်ပြေးသွားတာ၊ ဆိပ်ကမ်းကိုရောက်ပြီး ကမ်းပေါ်မှာ လက်နက်ခဲယမ်းတွေ စုပုံထားတဲ့အချိန် ဗုံးသီးချခဲ့တာပါ၊ ဗုံးသီး ၃ လုံးချခဲ့တယ်၊ လက်ရှိတော့ အဲဒီစခတွေ နဘုလယ်ဆိပ်ကမ်းကနေ သူတို့ အခြေစိုက်တဲ့ စခန်းကို ရောက်သွားကြပြီ” ဟု ဗထူးတပ်မတော် -BHA တပ်ဖွဲ့မှ တာဝန်ရှိသူက ရန်ကုန်ခေတ်သစ် သတင်း ဌာနထံသို့ ပြော ကြားသည်။

အဆိုပါ တိုက်ခိုက်မှုကို KNLA တပ်မဟာ ၆ တပ်ရင်း ၂၇ နှင့် ဗထူးတပ်မတော် (BHA) တို့ ပူးပေါင်း တိုက်ခိုက်ခဲ့ခြင်းဖြစ် ကြောင်း သိရသည်။

အာဏာသိမ်းစစ်တပ်က လေကြောင်းတိုက်ခိုက်မှုအား နိုင်ငံ၏ နေရာဒေသအသီးသီးတွင် အဓိက ထား အသုံးပြုတိုက်ခိုက်လာသည်နှင့်အမျှ ပြည်သူများအနေဖြင့် လေကြောင်းတိုက်ခိုက်မှုအန္တရာယ် မှ ကာကွယ်နိုင်ရန် အတွက် ကြိုတင်ပြင်မှုများ လုပ် ဆောင် ထားကြရန် အလေးအနက် တိုက်တွန်း ထားသည်။

အကြမ်းဖက်စစ်ကောင်စီ၏ လက်ကိုင်တုတ်ဖြစ်သော ပျူစောထီးများ ၊ ပြည်သူ့စစ်အဖွဲ့ဝင်များ နှင့် စစ်ကောင်စီ လက် အောက် ခံ တပ်ဖွဲ့ဝင်များ အနေဖြင့် တနိုင်ငံလုံးအတိုင်းအတာ ကျရှုံးမှုပေါင်းများ စွာဖြင့်ရင်ဆိုင်နေရသည့် အကြမ်းဖက် အာဏာသိမ်းစစ်တပ်အား စွန့်ခွာ၍ ပြည်သူ့ရင်ခွင် အမြန်ဆုံး ခိုလှုံဝင်ရောက်ကြပါရန် ဆက်လက်တိုက်တွန်းထားသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar