ရန်ကုန်၊ ဇန်နဝါရီ ၃၁
စစ်ကိုင်းတိုင်း၊ အရာတော်မြို့နယ်တွင်အကြမ်းဖက်စစ်တပ် စစ်ကြောင်းနှင့် ကင်းပုန်းစစ်သားများကို ကြားဖြတ်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၂ ဦးသေဆုံးခဲ့ကြောင်း မုံရွာခရိုင် အမှတ် ၁၉ တပ်ရင်း – ရောင်နီတပ်ရင်းမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ဇန်နဝါရီလ ၂၉ ရက်နေ့ နံနက် ၉ နာရီ ၄၅ မိနစ်အချိန် အရာတော်မြို့နယ်၊ ငွေတွင်းပျူစခန်းမှ ကား၊ ဆိုင် ကယ်များဖြင့် ထွက်လာသော အကြမ်းဖက် စစ်ကြောင်းနှင့် ကင်းပုန်းကြိုဝပ်နေသော အကြမ်းဖက် စစ် သားနှင့် ပျူစောထီးများကို ပြည်သူ့ကာ ကွယ်ရေးပူးပေါင်းတပ်ဖွဲ့က ကြားဖြတ်တိုက်ခိုက်ခဲ့ရာ မိနစ် ၃၀ ခန့်အကြာ အပြန်အလှန်ပစ်ခတ်တိုက်ပွဲဖြစ်ခဲ့ကြောင်း၊
အဆို ပါ တိုက်ပွဲအတွင်းအကြမ်းဖက်စစ်သားနှင့် ပျူစောထီး ၂ ဦးသေဆုံးကာ ၅ ဦးထက် မနည်း ထိခိုက် ဒဏ်ရာရရှိခဲ့ကြောင်း သိရသည်။
“ဖြစ်တာက အရာတော်နဲ့ငွေတွင်း ညောင်ဒူးလေး အနာဝိုက်မှာက စစ်ကြောင်းနဲ့ဖြစ်တာပါ၊ အင်အား ကတော့ ကင်းပုန်းတွေရောစုစုပေါင်းရင် ၁၀၀ ဝန်းကျင်လောက်ရှိပါတယ်၊ စခ၊ ပခ အသေ ၂ ယောက် နဲ့ ၅ ဒဏ်ရာရတာ ၅ ယောက်ရှိတယ်လို့ နောက်ဆုံးအတည်ပြုချက်ရထားပါတယ်” ဟု မုံရွာခရိုင် အ မှတ် ၁၉ တပ်ရင်း – ရောင်နီတပ်ရင်းမှ တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောကြားသည်။
အဆိုပါ တိုက်ခိုက်မှုကို မုံရွာခရိုင်ဗျုဟာ ၆၆ စစ်ကြောင်း မုံရွာခရိုင်တပ်ရင်း အမှတ် ၁၉ ၊ တပ်ရင်း ၂၁ ၊ တပ်ရင်း ၂၆ ၊ အရာတော်မြို့နယ်ပကဖတို့နှင့်အတူ အခြားမဟာမိတ်အဖွဲ့များ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
