ရန်ကုန်၊ မတ် ၂၈
ယနေ့ မတ်လ ၂၈ ရက်နေ့တွင် စစ်ကိုင်းတိုင်းကို ဗဟိုပြု၍ လှုပ်ခဲ့သော အင်အားပြင်း မြေငလျင်ကြောင့် နေပြည်တော် ပေါင်းလောင်းဆည် ထိခိုက်မှုရှိခဲ့ကြောင်း၊ ဆည်တာတမံ နံရံများ၊ မြေသားနံရံကြီးများ ကွဲအက်ခြင်းများ ၊ ထိခိုက်ပျက်စီးမှုများရှိကြောင်း သိရှိရသည်။
ပေါင်းလောင်းဆည်မှ ရေများ ဖောက်ချသည်ဆိုသော သတင်းများ ထွက်ပေါ်နေသော်လည်း ရန်ကုန်ခေတ်သစ်သတင်းဌာနက အတည်ပြုနိုင်ခြင်းမရှိသေးပေ။
“နေပြည်တော် ပေါင်းလောင်းဆည်ကနေ စစ်တောင်းမြစ်ထဲကို ရေတွေ စပြီး ဖောက်ချနေပါပြီ စစ်တောင်းမြစ်ထဲ ရေတက်လာနိုင်တယ်” ဟု စစ်တောင်းမြို့ပြပြောက်ကျားအဖွဲ့မှ တာဝန်ရှိသူ တစ်ဦးက ပြောဆိုသည်။
ပေါင်းလောင်းဆည်နှင့် စစ်တောင်းမြစ်တစ်လျှောက်ရှိ နေပြည်တော်၊ ပျဥ်းမနား၊ ရေနီ ၊ ရေတာရှည်၊ တောင်ငူနှင့် ပဲခူးမှ မြို့များအနေဖြင့်လည်း ထိခိုက်မှုရှိထားသော ပေါင်းလောင်းဆည်အခြေအနေကြောင့် ရေဘေးအခြေအနေကို သတိထားရန် လိုအပ်နေကြောင်း သက်ဆိုင်ရာ အကြံပြုတိုက်တွန်းသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
