ရန်ကုန်၊ ဧပြီ ၄
မန္တလေးတိုင်း၊ ညောင်ဦးမြို့နယ်တွင် အကြမ်းဖက်စစ်ကောင်စီတပ်က စစ်ကြောင်းထိုးကာ ပြည်သူ့ နေအိမ်များကို မီးရှို့ပြီး အဖိုးတန် ပစ္စည်းများ လုယက်နေမှုကြောင့် ပြည်သူသောင်းချီ ဘေးလွတ်ရာ ထွက်ပြေးတိမ်းရှောင်နေရကြောင်း ပုဂံညောင်ဦး ပကဖ Yan Gyi Aung PDF တပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ယမန်နေ့ ဧပြီလ ၃ ရက် မွန်းလွဲပိုင်းက ညောင်ဦးမြို့နယ်၊ မီးလောင်ဖျားကျေးရွာကို အင်အား ၂၀၀ ခန့်ရှိသော စစ်တပ်စစ်ကြောင်းက ဝင်ရောက်မီးရှို့သွားရာ ပြည်သူ့နေအိမ် ၄ လုံးမီးလောင်ပြာကျခဲ့ ကြောင်း ၊ ဧပြီလ ၂ ရက်နေ့ကလည်း ညောင်ဦးမြို့နယ်၊ ကျောက်ပြင်ကန်ရွာသို့ ဝင်ရောက်ကာ တဲ အိမ် ၁ လုံးကို မီးရှို့ပြီး ပြည်သူပိုင်ဆိုင်ကယ် ၆ စီးကို ခိုးယူသွားကြောင်း သိရသည်။
“စစ်ကြောင်းက ဂန့်ဂါမှာ စုဖွဲ့မှု လုပ်တယ်။ မီးလောင်ဖျားရွာဘက်ကို သံပြားကာ ကားတွေနဲ့ တက်ပြီး မီးရှို့တာ၊ မီးလောင်ဖျားရွာမှာက လမ်းအရှေ့ဘက်ကအိမ်က စရှို့တာပါ။ ကျောက်ပြင်ြကန် ရွာဘက်ကိုလည်း မြေသန့်တောင်မှာ တပ်စွဲထားတဲ့ စခတွေက လက်နက်ကြီးတွေ ဆက်တိုက်ပစ်၊ ဒရုန်းတွေနဲ့ ဗုံးကျဲတယ်၊ ပြည်သူတွေ ထွက်ပြေးတော့ နောက်ကနေ သေနတ်တွေနဲ့ လိုက်ပစ်ပါ တယ်။ အခု ရွာတွေတော်တော်များများ ထွက်ပြေးနေကြရတာ၊ ပြည်သူသောင်းချီရှိနိုင်ပါတယ်၊ မြေ သန့်တောင်၊ မီးလောင်ဖျား ၊ ကျောက်ပြင်ကန်ဘက်က လူတွေ မနေရဲကြတော့ဘူး။ စစ်ကြောင်းက ခြေရှုပ်နေတော့၊ ပြီး စစ်ကြောင်းက လုံးဝ ပြန်ဆုတ်သွားတာမဟုတ်ဘူး” ဟု ပုဂံညောင်ဦး ပကဖ Yan Gyi Aung PDF တပ်ဖွဲ့မှ တာဝန်ရှိသူ က ရန်ကုန်ခေတ်သစ်သတင်းဌာနထံသို့ ပြောကြား သည်။
ထို့အပြင် ပုဂံညောင်ဦးတောင်ဘက် တက်မ ရေနံမှော်ဘက်သို့ လည်း အင်အားဖြည့်ရန်အတွက် ချောက် မြို့ဘက် မှ စစ်ကောင်စီတပ်သား အင်အား၂၀၀ ခန့် လက်နက်အပြည့်အစုံဖြင့် တက်လာနေကြောင်း၊ စဥ့်ကူလမ်းဘေးတွင်လည်း အစစ်အဆေးများ ပြုလုပ်နေကြောင်း သိရသည်။
လက်ရှိတွင် အကြမ်းဖက်စစ်ကောင်စီတပ်သားများမှာ ပုဂံ-ညောင်ဦး တောင်ဘက် မြေသန့်တောင်ရွာ ၊နတ်ပ္ပလင်ရွာ၊ ဂန့်ဂါရွာ ကြအိုရွာတို့တွင် တပ်စွဲထားပြီး နီးစပ်ရာ နေအိမ်များမှ ပြည်သူများကို ဓားစာ ခံ ဖမ်းခေါ်ထားကာ လက်ကိုင်ဖုန်းများကိုလည်း သိမ်း ဆည်းထားကြောင်း သိရသည်။
“တိုက်ပွဲဖြစ်တာတော့ မရှိဘူး။ မိုင်းဆွဲတာတော့ရှိတယ်။ မြေသန့်တောင် ၊ ကြဲအိုဘက်တွေမှာဆွဲတာ၊ မိုင်းဆွဲတိုက်ခိုက်တာမှာ ထိခိုက်မှုရှိတယ်လို့တော့ သိရတယ်။စစ်ကြောင်း ၂ ကြောင်းမှာ တစ်ကြောင်း အထွက်ပြပြီးမှ ကျန်တဲ့တစ်ကြောင်းက ထွက်တာ။ အခုလည်း တစ်ကြောင်းက ကျောက်ပြင်ကန် ဘက်ကို အထွက်ပြပြီး မြေသန့်တောင်၊ ကြဲအိုမှာ တပ်စွဲထားတဲ့ စခတွေ ပြန်ဆုတ်သွားတယ်။” ဟု ပုဂံညောင်ဦး ပကဖ Yan Gyi Aung PDF တပ်ဖွဲ့မှ တာဝန်ရှိသူက ပြောဆိုသည်။
ဓာတ်ပုံ – ၂၀၂၄ ခုနှစ် နှစ်ကုန်ပိုင်း၊ အညာဒေသတွင် စစ်တပ်၏ စစ်ကြောင်းထိုးမှုကြောင့် ထွက်ပြေးနေရသော ပြည်သူများ။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
