By ရန်ကုန်ခေတ်သစ်
ဒီကနေ့ ဇွန် ၆ ရက် နေလယ်ပိုင်း ရရှိထားတဲ့သတင်းတွေကတော့
– ကချင်ပြည်နယ်၊ ရွှေကူမြို့နယ်၊ ပန်ခေါန်-ယာန် ကျေးရွာမှာ အခြေချ တပ်စွဲထားတဲ့ စစ်ကောင်စီတပ် စခန်းကို ကချင်လွတ်မြောက်ရေး တပ်မတော် KIA က တိုက်ခိုက်သိမ်းပိုက်လိုက် တယ်လို့ KIA သတင်း ရင်းမြစ်တွေဆီကနေ သိရပါတယ်။
-ကရင်နီပြည်နယ်၊ ဖရူဆိုမြို့နယ်မှာရှိတဲ့ အကြမ်းဖက် စစ်ကောင်စီရဲ့ ခမရ – ၄၂၈ တပ်ရင်း နဲ့ မြို့မ ရဲစခန်းကို ကရင်နီပူးပေါင်းအဖွဲ့က ဇွန်လ ၅ ရက်နေ့ မနက်ပိုင်းမှာ သွားရောက်တိုက်ခိုက်ခဲ့ပြီး စစ်ကောင် စီတပ်ဖွဲ့ဝင် ၁ ဦး ထက်မနည်း ထိခိုက်သေဆုံးမှု ရှိနိုင်တယ်လို့ ကရင်နီအမျိုးသားများကာကွယ်ရေးတပ် KNDF တပ်ရင်း ၄ က သတင်းထုတ်ပြန်ထားပါတယ်။
– စစ်ကိုင်းတိုင်း ၊ ချောင်းဦးမြို့နယ်၊ ကံဇီး-ကျေးရွာအနီး အကြမ်းဖက် စစ်ကောင်စီတပ် စစ်ကြောင်းကို ဒေသခံ ကာကွယ်ရေး တပ်ဖွဲ့ ၁၉ ဖွဲ့က ဇွန်လ ၅ ရက်နေ့မှာ ၃ ကြိမ် မိုင်းဆွဲတိုက်ခိုက်ခဲ့ပြီး ၊ အပြန် အလှန်ပစ်ခတ်မှုတွေဖြစ်ပွားခဲ့ရာမှာ စစ်ကောင်စီတပ်သား အယောက် ၂ဝ သေဆုံးခဲ့တယ် လိုသိရပါတယ်။
– စစ်ကိုင်းတိုင်း ၊ ချောင်းဦးမြို့နယ် ၊ ကံဇီးကျေးရွာမှာ တပ်စွဲထားတဲ့ အကြမ်းဖက် စစ်ကောင်စီတပ် နဲ့ ပျူစောထီးတွေကို ဒေသခံ ကာကွယ်ရေး တပ်ဖွဲ့တွေက ဇွန်လ ၅ ရက်နေ့ မွန်းလွဲ ၁၂ နာရီလောက်မှာ ဒရုန်းနဲ့ ဗုံးကျဲ တိုက်ခိုက်ခဲ့တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
