ရန်ကုန်၊ ဩဂုတ် ၂၇
ဩဂုတ်လ ၂၆ ရက်နေ့ နံနက် ၃ နာရီအချိန် ကန်ချနပူရီခရိုင် အုပ်ချုပ်ရေးမှူး ဦးဆောင်သော အဖွဲ့က လမ်းဂိတ်များကို စောင့်ကြည့်စစ်ဆေးခဲ့ရာ ဆန်ခလဘူရီမှ ကန်ချနပူရီမြို့သို့ ဦးတည်မောင်းနှင်လာသော မသင်္ကာဖွယ်ရာ ကား ၄ စီးကို တွေ့ရှိရကြောင်း၊ ထို့ကြောင့် ကား ၄ စီးကို ရပ်တန့်စစ်ဆေးရန် တားဆီးသောအခါ ကား ၄ စီးလုံးမှာ မောင်းပြေးသွားခဲ့ကြောင်း၊ ထို့ကြောင့် ထိုင်းအာဏာပိုင်များက လိုက်လံ ဖမ်းဆီးသောအခါ ကား ၄ စီးလုံးကို လမ်းတစ်နေရာတွင် ပြန်လည် ဖမ်းဆီးရရှိကြောင်း၊ ကားပေါ်တွင် လိုက်ပါသော မြန်မာနိုင်ငံသား ၃၆ ဦးကို ဖမ်းဆီးရရှိပြီး ကားသမား ၄ ဦးကိုလည်း ဖမ်းဆီးရရှိကြောင်း သိရှိရသည်။
မြန်မာနိုင်ငံသားများသည် တရားမဝင် ထိုင်းနိုင်ငံအတွင်းသို့ ဝင်ရောက်လာခြင်းဖြစ်ပြီး အထောက် အထား မရှိသူများဖြစ်ကြောင်း၊ ကားသမား ၄ ဦးက ၎င်းတို့ကို ထိုင်းနိုင်ငံအတွင်းသို့ ပို့ဆောင်ပေးရန် ခေါ်ဆောင်လာခြင်းဖြစ်ကြောင်း၊ ထိုင်းတွင် အလုပ်လုပ်ရန် မြန်မာအလုပ်သမား ၁ ဦးလျှင် သယ်ယူပို့ဆောင်ခ ဘတ် ၆၀၀၀ မှ ဘတ် ၁၀၀၀၀ စီပေးဆောင်ခဲ့ရပြီး အလုပ်အကိုင်အပြီးအစီးဆိုပါ တစ်ဦးလျှင် ထိုင်းဘတ် ဘတ် ၁၅,၀၀၀ မှ ၂၀,၀၀၀ အထိ ပေးဆောင်ရကြောင်း သိရှိရသည်။
အလားတူ ဩဂုတ်လ ၂၇ ရက်နေ့ နံနက် ၂ နာရီ ၃၀ မိနစ်အချိန်တွင်လည်း ထိုင်းနိုင်ငံ ကန်ချနပူရီ ခရိုင်တွင် မြန်မာနိုင်ငံသား လူငယ် ၃၈ ဦးတင်ဆောင်လာသော ကား ၂ စီးကို ထိုင်းအာဏာပိုင်များက ဖမ်းဆီးရရှိခဲ့ကြောင်း သိရှိရသည်။
တရားမဝင် မြန်မာ လူငယ်များ တင်ဆောင်လာသော ကား ၂ စီးက ဆန်ခလပူရီမြို့မှ ကန်ချနပူရီမြို့ဘက်သို့ ဦးတည်မောင်းနှင်လာစဉ် ထိုင်းအာဏာပိုင်များက စစ်ဆေးရန် ရပ်တန့်ခိုင်းခဲ့ကြောင်း၊ သို့ရာတွင် ကားသမားများက မရပ်တန့်ဘဲ မောင်းပြေးခဲ့ပြီး ထိုင်းအာဏာပိုင်များက လိုက်လံ ဖမ်းဆီးခဲ့ကြောင်း သိရှိရသည်။
ကားသမား ၂ ဦးက ကားများကို စွန့်ပစ်ကာ တောထဲသို့ ထွက်ပြေးလွတ်မြောက်သွားကြောင်း၊ ကားပေါ်တွင် မြန်မာနိုင်ငံသား အမျိုးသား ၂၅ ဦးနှင့် အမျိုးသမီး ၁၃ ဦး မြန်မာလုပ်သား စုစုပေါင်း ၃၈ ဦးကို ဖမ်းဆီးရရှိခဲ့ပြီး တရားမဝင် အထောက်အထားမရှိဘဲ ဝင်ရောက်လာခြင်းဖြစ်ကြောင်း သိရှိရသည်။
အဆိုပါ မြန်မာနိုင်ငံသား ၃၈ ဦးသည် ဘုရားဆုံးသူမှတစ်ဆင့် တောလမ်းအတိုင်း ထိုင်းနိုင်ငံအတွင်းသို့ ဝင်ရောက်လာခြင်းဖြစ်ပြီး သယ်ပူပို့ဆောင်ခ တစ်ဦးလျှင် ထိုင်း ဘတ် ၈,၀၀၀ မှ ၁၀,၀၀၀ အထိ ပွဲစားခ ပေးဆောင်ရမည်ဖြစ်ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
