ပဲခူးတိုင်း၊ ပေါင်းတည်မြို့နယ် ပဲခူးရိုးမအတွင်း စစ်ကြောင်းထိုးလာသော အကြမ်းဖက် စစ်တပ်ကို တိုက်ခိုက်ရာ စစ်သား ၁ ဦးသေဆုံးပြီး ထိခိုက်ဒဏ်ရာရရှိသူ များပြားကြောင်း ပြည်ခရိုင် ပြည်သူ့ကာကွယ်ရေးတပ်မတော် အမှတ် ၃၆၀၁ တပ်ရင်း၏ စစ်ထောက်လှမ်းရေးနှင့်သတင်းပြန်ကြားရေး တာဝန်ခံရဲဘော်ရှဲဒိုးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဩဂုတ်လ ၂၅ ရက်နေ့ နံနက် ၉ နာရီ ၃၀ မိနစ်ခန့်အချိန် ပေါင်းတည်မြို့နယ်၊ ကျောက်ကြီး တောင်ဂိတ်စခန်းမှ အင်အား ၈၀ ခန့်ဖြင့် ပဲခူးရိုးမပေါ်သို့ စစ်ကြောင်းထိုးလာသော အကြမ်းဖက် စစ်တပ်ကို ပြည်ခရိုင် ပြည်သူ့ကာကွယ်ရေးတပ်မတော် PDF ၃၆၀၁ တပ်ရင်း Sniper အဖွဲ့က ၂ ချက် ပစ်ခတ် တိုက်ခိုက်ခဲ့ရာ စစ်သား ၁ ဦး သေဆုံးပြီး ၁ ဦး ထိခိုက်ဒဏ်ရာရရှိခဲ့ကြောင်း သိရသည်။
ထိုသို့ တိုက်ခိုက်မှု ဖြစ်ပွားပြီးနောက် သေဆုံးသွားသော စစ်သား အလောင်းနှင့် ဒဏ်ရာရရှိသူကို ထမ်း စင်ဖြင့် ကျောက်ကြီး ဂိတ်စခန်းသို့ ပြန်လည် ခေါ်ဆောင်သွားကြောင်း၊ ယင်းသို့ခေါ်ဆောင်စဉ် ဗျူဟာ ၂၁ ကွပ်ကဲမှု အောက်ရှိ ၃၆၀၁ တပ်ရင်း တပ်ခွဲ ၅ က ပြန်ချီတက်ရွာနှင့် ညောင်နီပင်ရွာ အကြားတွင် ပဒေသာမိုင်း ၄ လုံးဖြင့် မိုင်းဆွဲ တိုက်ခိုက်ခဲ့ကြောင်း သိရသည်။
အဆိုပါ မိုင်းဆွဲ တိုက်ခိုက်မှု အတွင်း အကြမ်းဖက် စစ်သား ၅ ဦး ပြင်းထန် ဒဏ်ရာရရှိကာ ၄ ဦး မစိုးရိမ်ရ ဒဏ်ရာရရှိခဲ့ကြောင်း၊ စစ်ကြောင်းသည် ဒဏ်ရာရရှိသူများကို ကျောက်ကြီး တောင်ဂိတ်စခန်းကို ပြန် လည် ခေါ်ဆောင်လာပြီး ယင်းမှ တဆင့် ဖောကားများဖြင့် ရွှေတောင်မြို့နယ် ကုတင် ၁၀၀ စစ်ဆေးရုံသို့ ပို့ဆောင်ခဲ့ကြောင်း သိရှိရသည်။
ယင်းသို့ တိုက်ခိုက်မှု ပြုလုပ်ပြီးနောက် နယ်မြေရှင်းလင်းရေး ပြုလုပ်စဉ် ၅.၅၆ ကျည် ၂၀၀ တောင့်၊ အီနာဂါ ၁ လုံးနှင့်အခြားစစ်အသုံး ဆောင်ပစ္စည်း အမျိုးမျိုးတို့ကို သိမ်းဆည်းရရှိခဲ့ကြောင်း သိရသည်။
“ပဲခူးရိုးမပေါ် စစ်ကြောင်းထိုးလာတဲ့ စစ်ခွေးတွေကို စနိုက်ပါနဲ့ ပစ်ခတ်ပြီး မိုင်းဆွဲ တိုက်ခိုက်ခဲ့တာ စစ်ခွေး ၁ ကောင်သေပြီး ထိခိုက် ဒဏ်ရာရရှိသူများပြားတယ်။ ကျနော်တို့ ရဲဘော်တွေတော့ အထိအခိုက်မရှိ ပြန်လည် ဆုတ်ခွာနိုင်ပါတယ်” ဟု ၃၆၀၁ တပ်ရင်း စစ်ထောက်လှမ်းရေးနှင့်သတင်းပြန်ကြားရေး တာဝန်ခံရဲဘော်ရှဲဒိုးက ပြောဆိုသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
