ရန်ကုန်၊ အောက်တိုဘာ ၁၆
ပဲခူးတိုင်း၊ ပန်းတောင်းမြို့နယ်ရှိ စစ်တပ်၏ ပွိုင့် ၆၆၆ စခန်းကုန်းကို AA က တိုက်ခိုက်သိမ်းပိုက်လိုက်ပြီး နတ်ရေကန်ဗျူဟာကုန်းကိုလည်း အပြီးသတ် သိမ်းပိုက်နိုင်ရေး ထိုးစစ်ဆင်နေကြောင်း AA က ယမန်နေ့ ညပိုင်း သတင်းထုတ်ပြန်သည်။
အောက်တိုဘာလ ၁၄ ရက်နေ့ နံနက် ၉ နာရီ ၅ မိနစ်အချိန် ပဲခူးတိုင်း၊ ပန်းတောင်းမြို့နယ်၊ ပုဂံဂွေ့ (ပန်းကန်ကွဲ) ကျေးရွာတောင်ဘက်အနီးတွင် ရှိနေသော စစ်တပ်၏ ၆၆၆ ပွိုင့်ကုန်းကို စတင်ထိုးစစ်ဆင်တိုက်ခိုက်ခဲ့ပြီးနောက် ၃ နာရီခန့်အကြာ သုံးဖက်သုံးတန်မှ ထိုးစစ်ဆင်တိုက်ခိုက်မှုအပြီးတွင် အဆိုပါ ၆၆၆ ပွိုင့်ကုန်းစခန်းကို AA က သိမ်းပိုက်ရရှိယူနိုင်ခဲ့ကြောင်း သိရှိရသည်။
AA က သိမ်းပိုက်ရရှိသွားသော ပွိုင့် ၆၆၆ စခန်းကုန်းနှင့် ပတ်ဝန်းကျင်တွင် နှစ်ဖက် တိုက်ပွဲများဖြစ်ပွားနေသည်မှာ ကာလအတန် ကြာမြင့်ခဲ့ပြီဖြစ်သော်လည်း အောက်တိုဘာလ ၁၄ ရက်နေ့တွင် AA က ထိုးစစ်အရှိန်ကို မြှင့်၍ တိုက်ခိုက်ခဲ့ခြင်းဖြစ်ကြောင်း ၊ ပွိင့် ၆၆၆ စခန်းသိမ်းပိုက်ခဲ့စဉ် စစ်သား အလောင်းအချို့၊ လက်နက်ခဲယမ်းနှင့် စစ်အသုံးအဆောင်ပစ္စည်းအချို့ကိုလည်း သိမ်းဆည်းရရှိခဲ့ကြောင်း၊ အဆိုပါ ထိုးစစ်အတွင်း AA စစ်သည်တချို့လည်း ကျဆုံးခဲ့ကြောင်း သိရှိရသည်။
အလားတူ AA က စစ်တပ်၏ နတ်ရေကန်ဗျူဟာစခန်းကုန်းကို အပြီးသတ်သိမ်းပိုက်ရယူရန်အတွက် အနည်းငယ်သော လက် ကျန်နေရာ အချို့ကို ဆက်လက် ထိုးစစ်ဆင်တိုက်ခိုက်နေသကဲ့သို ကစဉ့်ကလျား ထွတ်ပြေးနေကြသော စစ်တပ်နှင့်လည်း နေရာအချို့တွင် တိုက်ပွဲများ ဆက်လက်ဖြစ်ပွားလျက်ရှိကြောင်း၊ လက်နက်ချ အလင်းဝင်ရောက်လာသောသူများကိုလည်း စစ်သုံပန်းဥပဒေနှင့်အညီ ကောင်းမွန်စွာ ပြုစုစောင့်ရှောက်ပေးထားကြောင်း သိရှိရသည်။
AA က သိမ်းပိုက်ရန် ကျန်ရှိနေသော ရခိုင်ပြည်၊ စစ်တွေမြို့အနီး ပတ်ဝန်းကျင်တွင်လည်း လက်နက်ကြီး၊ ဒရုန်း အပြန်အလှန်တိုက်ခိုက်မှုများမှာ ယခုရက်များ အတွင်း ပိုမိုပြင်းထန်လျက်ရှိကြောင်း၊ ထို့ပြင် အာရက္ခ-ပဲခူးတိုင်းအစပ်၊ အာရက္ခ-မကွေးတိုင်းအစပ်၊ အာရက္ခ-ဧရာဝတီတိုင်း အစပ်တိုတွင် စစ် တပ်၏ ထိုးစစ်များကို အာရက္ခတပ်တော်၏ အကောင်းဆုံးခံစစ်များနှင့်အတူ တန်ပြန်ထိုးစစ်များဖြင့် ဟန်ချက်ညီဆင်နွှဲလျက်ရှိကြောင်း သိရှိရသည်။
ယင်းအပြင် ယမန်နေ့ အောက်တိုဘာလ ၁၅ ရက်နေ့ မွန်းလွဲ ၃ နာရီ ၅၅ မိနစ်အချိန် ဧရာဝတီတိုင်း၊ ရေကြည်မြိုနယ်၊ စက်စက်ယိုကျေးရွာအနီးတွင်လည်း တိုက်ပွဲဖြစ်ပွားခဲ့ပြီး တိုက်ပွဲမှာ မိနစ်အနည်းငယ် ကြာမြင့်ခဲ့ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
