ဒီကနေ့ နိုဝင်ဘာ ၁၁ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
ကချင်ပြည်နယ်မှာ မြို့နယ်အများစုကို တိုက်ခိုက် သိမ်းပိုက်နေတဲ့ KIO/KIA နှင့် အကြမ်းဖက်စစ်တပ်အကြားမှာ အပစ်ရပ်ရေး ဆွေးနွေးဖို့ ရှိနေတယ်ဆိုတဲ့ သတင်းတွေကို KIO/KIA ပြောရေးဆိုခွင့်ရှိသူ ဗိုလ်မှူးကြီး နော်ဘူက ငြင်းဆိုလိုက်ပါတယ်။
ကရင်အမျိုးသားအစည်းအရုံး-KNU တပ်မဟာ ၁ သထုံခရိုင် ဥက္ကဋ္ဌ ပဒိုစောစိုးမြင့် အပါအဝင် ၂၂ ယောက်ကို အကြမ်းဖက်စစ်တပ်က ရွေးကောက်ပွဲ နှောင့် ယှက်တယ်လို့ ဆိုပြီး သထုံမြို့နယ်၊ သိမ်ဆိပ်ရဲစခန်းမှာ ရွေးကောက်ပွဲဥပဒေ ပုဒ်မ ၂၃ (ခ) နဲ့ အမှုဖွင့်ထားတယ်လို့ အကြမ်းဖက်စစ်တပ်က သတင်းထုတ်ပြန်ထားပါတယ်။
မွန်ပြည်နယ်၊ ရေးမြို့နယ်၊ ကျောင်းရွာကျေးရွာမှာ တိုက်ပွဲဖြစ်ပွားပြီး အကြမ်းဖက် စစ်တပ်ရဲ့ ခမရ ၅၉၁ တပ်ရင်း အရာရှိလိုင်းခန်းကို ရေးဘီလူးအဖွဲ့က RPG နဲ့ ပစ်ခတ် တိုက်ခိုက်ခဲ့တဲ့ သတင်းအပါအဝင် နေ့လယ်ခင်း သတင်းတွေ ကို တင်ဆက်ပေးပါမယ်။
