မန္တလေးဒေသကြားကာလကာ အုပ်ချုပ်ရေးကောင်စီကို ဖွဲ့စည်းလိုက်ပြီး ဥက္ကဌအဖြစ် ချမ်းမြသာစည် မြို့နယ်လွှတ်တော်ကိုယ်စားလှယ် ဦးမြင့်အောင်မိုးက တာဝန်ယူလိုက်ကြောင်း သိရှိရသည်။
ယမန်နေ့ နိုဝင်ဘာလ ၂၈ ရက်နေ့ ကျင်းပသည့် ပထမအကြိမ် မန္တလေးဒေသလွှတ်တော် အစည်း အဝေးတွင် မန္တလေးဒေသကြားကာလအုပ်ချုပ်ရေးကောင်စီကို ဖွဲ့စည်းလိုက်ပြီး ဥက္ကဋ္ဌအဖြစ် ဦးမြင့်အောင်မိုး၊ ဒုဥက္ကဌအဖြစ် ဦးအောင်မျိုးလတ် ၊အတွင်းရေးမှူးအဖြစ် ဦးဌေးတို့ အပါအဝင် ကောင် စီ ဝင် ၉ ဦးဖြင့် လွှတ်တော်က အတည်ပြုဖွဲ့စည်း ပေးခဲ့ကြောင်း သိရသည်။
“အုပ်ချုပ်ရေးကောင်စီဖွဲ့စည်းနိုင်လိုက်တာ နိုင်ငံရေးနည်းလမ်းအရ စစ်ကောင်စီရဲ့ အုပ်ချုပ်မှုကဏ္ဍ အပေါ်မှာ ကျနော်တို့က အသာစီးရယူနိုင်လိုက်ခြင်းပါပဲ။ နောက်တစ်ချက်က ဖက်ဒရယ် ဒီမိုကရေစီ ပြည်ထောင်စုတည်မယ်ဆိုတဲ့ ဘုံရည်မှန်းချက်ကို ကနဦးစတင်ပြီးတော့ ခြေလှမ်းလှမ်းလိုက်တဲ့ သဘောပါပဲ။ နောက်တစ်ချက်က မန္တလေးပြည်သူလူထုအနေနဲ့ ကျနော်တို့က ပြည်ထောင်စု အစိုးရ ဖြစ်တယ်ပေါ့၊ NUG အစိုးရအပြင် ကျနော်တို့ မန္တလေးပြည်သူလူထုအတွက် မန္တလေးအစိုးရတစ်ရပ် ပေါ်ပေါက်လာတာဖြစ်တယ်။ တော်လှန်ရေးအတွက်လည်း ခွန်အားတစ်ရပ်ဖြစ်လာတာပေါ့။” ဟု တောင်သာမြို့နယ်အမှတ် ၁ မဲဆန္ဒနယ်၊ မန္တလေးဒေသ လွှတ်တော် ကာကွယ်ရေးနှင့်လုံခြုံရေးကော် မတီ အဖွဲ့ဝင် ကိုဝိုင်းချစ်အောင်က ရန်ကုန်ခေတ်သစ် သတင်းဌာနထံသို့ ပြောကြားသည်။
မန္တလေးဒေသ ကြားကာလအုပ်ချုပ်ရေး ကောင်စီသစ်အနေဖြင့် ဒေသတွင်း တရားဥပဒေစိုးမိုးရေး၊ စစ်ဘေးရှောင်များ စောင့်ရှောက်ရေး၊ ကျန်းမာရေးနဲ့ ပညာရေး စနစ်များကို ပြည်သူကို ဗဟိုပြုသည့် စနစ်အဖြစ် အလျှင်အမြန် ပြန်လည်တည်ဆောက်ရေးအတွက် ရှေ့တန်းမှ တာဝန်ယူရမည်ဖြစ် ကြောင်း၊ အမျိုးသားညီညွတ်ရေးအစိုးရအနေဖြင့်လည်း ဒေသလွှတ်တော်အကြီးအကဲများနှင့် ကြား ကာလအုပ်ချုပ်ရေးကောင်စီ သစ်ကို ပြည်ထောင်စုအဆင့်မှ လိုအပ်သော ပံ့ပိုးမှုနှင့် အရင်းအမြစ်များ ကို ပူးပေါင်းဆောင်ရွက်သွားမည်ဖြစ်ကြောင်း ပြည်ထောင်စုဝန်ကြီးချုပ် မန်းဝင်းခိုင်သန်းက အသိပေး ထားသည်။
“တော်လှန်ရေးကာလဆိုတော့ တိုက်ပွဲတွေက ဖော်ဆောင်နေရမှာပဲ။ တိုက်ပွဲတွေဖော်ဆောင်နေတဲ့ အခါကျတော့ ကိုယ့်ရဲ့ဒေသတွင်းမှာ စစ်ရေးနဲ့ပတ်သက်တဲ့ကိစ္စတွေ၊ နယ်မြေစိုးမှုနဲ့ပတ်သက်တဲ့ ကိစ္စတွေ၊ နယ်မြေလုံခြုံရေးနဲ့ ပတ်သက်တဲ့ကိစ္စရပ်တွေကနေ ပေါ်ပေါက်လာတဲ့ ပဋိပက္ခဖြစ်ပွား မှု တွေကြားထဲမှာလည်း ကျနော်တို့က အစိုးရတစ်ရပ်အနေနဲ့ ဖြေရှင်းဆောင်ရွက်လို့ ရအောင်၊ ပိုပြီး တော့ ခိုင်မာအားကောင်းတဲ့ ဖွဲ့စည်းမှုရအောင်၊ ပိုမိုခိုင်မာအားကောင်းတဲ့ စစ်ရေးပြင်ဆင်မှုမျိုး၊ ခိုင် မာအားကောင်းတဲ့ စိုးမိုးထိန်းချုပ်နယ်မြေကို ပိုင်နိုင်မှုမျိုး ကိစ္စရပ်တွေမှာလည်း တော်လှန်ရေး ရဲ့ အကျိုးသက်ရောက်မှုအနေနဲ့ကတော့ အရင်ကထက် ပိုပြီးတော့ တွင်တွင်ကျယ်ကျယ်လုပ် လာနိုင် မယ် ဆိုတဲ့ အပြောင်းအလဲမှုမျိုးကိုလည်းတွေ့နိုင်ပါတယ်။” ဟု တောင်သာမြို့နယ်အမှတ် ၁ မဲဆန္ဒနယ်၊ မန္တလေးဒေသ လွှတ်တော် ကာကွယ်ရေးနှင့်လုံခြုံရေးကော် မတီ အဖွဲ့ဝင် ကိုဝိုင်း ချစ်အောင်က ရန်ကုန်ခေတ်သစ် သတင်းဌာနထံသို့ ပြောဆိုသည်။
ထို့အပြင် တော်လှန်ရေးကာလဖြစ်သောကြောင့် မန္တလေးဒေသပြည်သူလူထု၏ အခက်အခဲများသည် အထွေ ထွေအကြပ်အတည်းပေါင်းစုံဖြင့်ရင်ဆိုင်နေရပြီး အစိုးရအဖွဲ့အနေဖြင့် တော်လှန်ရေးအမြန် ပြီးမြောက်စေရန် အာရုံစိုက်လုပ်ဆောင်လာနိုင်မည်ဖြစ်ကြောင်း အသိပေးထားသည်။
“ဒါက ကိုယ့်ရဲ့ ဒေသတွင်းထဲမှာ နိုင်ငံရေးနည်းလမ်းအရ လက်ဦးမှု ရယူနိုင်လိုက်တာလို့ ပြောလို့ရ တယ်။ ကျနော်တို့ ဗမာမျိုးနွယ်စု အများဆုံးဖြစ်တဲ့ မန္တလေးမှာ ဖက်ဒရယ်ဒီမိုကရေစီအတွက် ခြေ လှမ်းစနိုင်ပြီလို့ ပြောလို့ရတယ်။ နိုင်ငံရေးနည်းလမ်းအရ အားသာချက်ယူပြီးပြီဆိုရင် အဲဒါနဲ့ တဆက် တည်းဖြစ်တဲ့ စီမံခန့်ခွဲမှုတွေက လုပ်နိုင်ရင် လုပ်နိုင်သလောက် အခွင့် အလမ်းကောင်းတွေ ရရှိလာမှာ ဖြစ်တယ်။ အခွင့် အလမ်းကောင်းတွေက ဘာတွေလည်းဆိုရင် တော်လှန်ရေးနဲ့ ပတ်သက် တဲ့ကိစ္စ တွေအတွက်၊ ကိုယ့်ဒေသပြည်သူလူထုအတွက်၊ ကိုယ့်အစိုးရ အဖွဲ့ကို လွှတ်တော်ကနေ တိုက်တွန်း မယ်၊ အဆိုတွေတင်သွင်းမယ် ၊အစိုးရအဖွဲ့က ဖြေရှင်းဆောင်ရွက်ရမယ်ဆိုတဲ့ အနေအထား ပြောင်း လဲမှုတစ်ရပ်ဖြစ်လာနိုင်တယ်။” ဟု တောင်သာမြို့နယ်အမှတ် ၁ မဲဆန္ဒနယ်၊ မန္တလေးဒေသ လွှတ် တော် ကာကွယ်ရေးနှင့်လုံခြုံရေးကော်မတီ အဖွဲ့ဝင် ကိုဝိုင်းချစ်အောင်က ရှင်းပြသည်။
