မွန်ပြည်နယ်၊ ရေးမြို့နယ်တွင် ခမရ ၅၈၆ တပ်မှ ထွက်ပြေးလာသော စစ်မှုထမ်းတပ်သားသစ် ၃ ဦးကို ရေးဘီလူးတပ်ဖွဲ့က ဖမ်းဆီးရရှိကြောင်း ရေးဘီလူးက ရန်ကုန်ခေတ်သစ်သတင်းဌာနထံသို့ ပြောဆိုသည်။
နိုဝင်ဘာလ ၃၀ ရက်နေ့ မွန်ပြည်နယ်၊ ရေးမြို့နယ်အခြေစိုက် ခမရ ၅၈၆ တပ်ရင်းမှ စစ်မှုထမ်းတပ်သားသစ် ၃ ဦးက ရေးဘီလူးတပ်ရင်း၏ ရှေ့တန်းစစ်မျက်နှာနေရာသို့ ထွက်ပြေးတိမ်းရှောင်လာကြကြောင်း၊ ထို့ကြောင့် စစ်မှုထမ်းတပ်သား ၃ ဦးကို ရေးဘီလူးတပ်ဖွဲ့က ဖမ်းဆီး ထိန်းသိမ်းထားကြောင်း သိရှိရသည်။
“သူတို့မှာ လက်နက်တွေဘာတွေ မပါဘူး။ လူအလွတ်ပဲ ပြေးလာတာ။ တပ်ကနေ ထွက်ပြေးလာရင်းနဲ့ ကျနော်တို့ ရေးဘီလူး စစ်မျက်နှာဖွင့်ထားတဲ့နေရာကို အကူအညီတောင်းခံတာ။ အကူအညီတောင်းခံလာတဲ့အတွက် ဖမ်းဆီးထိန်းသိမ်းလိုက်တာပါ” ဟု ရေးဘီလူးတပ်ဖွဲ့ ခေါင်းဆောင် ရေးဘီလူးက ရှင်းပြသည်။
ခမရ ၅၈၆ တပ်ရင်းမှ ထွက်ပြေးလာသော စစ်မှုထမ်းတပ်သားသစ် ၃ ဦးမှာ စစ်မှုထမ်းအပတ်စဥ် ၁၂ မှ အသက် ၂၄ နှစ်အရွယ် စစ်မှုထမ်းတပ်သား အောင်သန်းဦး၊ အသက် ၂၉ နှစ်အရွယ် တပ်သားသစ် ရန်နိုင်ဝင်း၊ အသက် ၂၃ နှစ်အရွယ် တပ်သားသစ် ချစ်ထွန်းတို့ဖြစ်ကြောင်း သိရှိရသည်။
အကြမ်းဖက်စစ်တပ်က နိုင်ငံတစ်ဝန်းတွင် လူငယ်များကို စစ်မှုထမ်းအဖြစ် ပေါ်တာဆွဲ ဖမ်းဆီးပြီး စစ်မှုထမ်းခိုင်းနေရာ ယခုအခါ စစ်မှုထမ်းအပတ်စဉ် ၂၀ သို့ ရောက်ရှိလာပြီဖြစ်သည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
