ဩစတြေးလျလက်ထောက်ဝန်ကြီးနှင့် အထက်လွှတ်တော်အမတ် Dean Smith က မလေးရှားနှင့်ထိုင်းခရီးစဉ်တွင် NUG ကိုယ်စားလှယ်များ အပါအဝင် မြန်မာ့အရေးလှုပ်ရှားသူများ နှင့် တွေ့ဆုံမည်

ရန်ကုန်၊ ဇန်နဝါရီ ၁၄

ဩစတြေးလျအစိုးရ၏ နိုင်ငံခြားရေးနှင့်ကုန်သွယ်ရေးရာ လက်ထောက်ဝန်ကြီးလည်းဖြစ်၊ အထက် လွှတ်တော်အမတ်လည်းဖြစ်သူ Dean Smith က မလေးရှားနှင့်ထိုင်းခရီးစဉ်အတွင်း NUG အစိုးရကိုယ် စားလှယ် နှင့် တွေ့ဆုံမည်ဖြစ်ကြောင်း အထက်လွှတ်တော်အမတ် Dean Smith က တရားဝင် သတင်းထုတ်ပြန်သည်။

အထက်လွှတ်တော်အမတ် Dean Smith က ဩစတြေးလျအစိုးရ၊ နိုင်ငံခြားရေးနှင့် ကုန်သွယ်ရေးဆိုင် ရာ လက်ထောက်ဝန်ကြီး တာဝန်ဖြင့် ၂၀၂၆ ခုနှစ်၊ ဇန်နဝါရီလ ၁၂ ရက်နေ့မှ ဇန်နဝါရီလ ၁၈ ရက်နေ့ အထိ မလေးရှားနှင့် ထိုင်းနိုင်ငံများသို့ သွားရောက်မည်ဖြစ်ကြောင်း၊ ကိုယ်ပိုင်ရန်ပုံငွေဖြင့် သွားရောက်မည့် အဆိုပါ ခရီးစဉ်အတွင်း မြန်မာ့အရေး တက်ကြွလှုပ်ရှားသူများ၊ ဘာသာရေးအခြေပြု လူသားချင်းစာနာထောက်ထားမှုဆိုင်ရာ အဖွဲ့အစည်းများနှင့် အမျိုးသားညီညွတ်ရေးအစိုးရ (NUG) မှ ကိုယ် စားလှယ်များနှင့် တွေ့ဆုံကာ လက်ရှိမြန်မာ့အရေးနှင့် ပဋိပက္ခ၏ အကျိုးသက်ရောက်မှုများကို ဆွေးနွေးသွားမည်ဖြစ်ကြောင်း သိရှိရသည်။

မြန်မာနိုင်ငံ၏ လူသားချင်းစာနာထောက်ထားမှုနှင့် လုံခြုံရေးအခြေအနေများ ဆက်လက်ဆိုးရွားနေပြီး အလွန်အရေးကြီးသော အချိန်အခါလည်းဖြစ်ကြောင်း၊ ထို့အပြင် မလေးရှားနှင့် ထိုင်းနိုင်ငံရှိ ဩစတြေး လျအစိုးရ အရာရှိများ၊ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) ကိုယ်စားလှယ်များနှင့်အခြားလူသားချင်းစာနာမှုဆိုင်ရာ အေဂျင်စီများနှင့် တွေ့ဆုံခွင့်ရရှိမည်ဖြစ်ကြောင်း သိရှိရသည်။

အဆိုပါခရီးစဉ်၏ အဓိကရည်ရွယ်ချက်မှာ မြန်မာ့အကျပ်အတည်းအပေါ် အာဆီယံ (ASEAN) ၏ တုံ့ပြန်ဆောင်ရွက်မှု မည်မျှထိရောက်သည်ကို ပိုမိုနားလည်နိုင်ရန်၊ စစ်တပ်၏ “ရွေးကောက်ပွဲ” ဟု ခေါ်ဆိုသောအရာနှင့် ပတ်သက်သည့် လူသားချင်းစာနာမှုဆိုင်ရာ စိုးရိမ်ပူပန်မှုများကို ဆန်းစစ်ရန်၊ အမေရိကန်ပြည်ထောင်စု၏ အချို့သော အကူအညီပေးရေး အစီအစဉ်များ ရုပ်သိမ်းလိုက်ခြင်း အပါအဝင် နိုင်ငံတကာ အကူအညီများ ပြောင်းလဲလာမှု၏ ကျယ်ပြန့်သော နောက်ဆက်တွဲသက်ရောက်မှုများကို နားလည်နိုင်ရန် ဖြစ်ကြောင်း သိရှိရသည်။

အဆိုပါ ခရီးစဉ်တွင် အနောက်ဩစတြေးလျ (WA) ရှိ မြန်မာ့လူမှုအသိုင်းအဝိုင်းမှ အဖွဲ့ဝင်အချို့လည်း လိုက်ပါမည်ဖြစ်ပြီး ဆွေးနွေးမှုများမှ ရရှိလာသော အချက်အလက်များသည် အထက်လွှတ်တော်၏ “မြန်မာနိုင်ငံရှိ ဒီမိုကရေစီနှင့် လူ့အခွင့်အရေး” ဆိုင်ရာ နိုင်ငံခြားရေး၊ ကာကွယ်ရေးနှင့် ကုန်သွယ်ရေး ရည်ညွှန်းကော်မတီ၏ စုံစမ်းစစ်ဆေးမှုများအတွက် တိုက်ရိုက် အထောက်အကူပြုမည်ဖြစ်ကြောင်း သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar