ရန်ကုန်၊ ဇန်နဝါရီ ၂၁
ရန်ကုန်နှင့် မန္တလေးတို့တွင် ပြုလုပ်မည့် ICJ တရားရုံး နှင့် ဂမ်ဘီယာနိုင်ငံကို ရှုတ်ချပွဲများအတွက် မဘသနှင့်အမျိုးသားရေးအစွန်းရောက်များက အကြမ်း ဖက်စစ်တပ်ထံမှ ဘတ် ဂျက်တောင်းခံထားကြောင်း မဘသအသိုင်းအဝိုင်းထံမှ သိရှိရသည်။
ဇွန်လ ၁၈ ရက်နေ့ ရန်ကုန်တိုင်း၊ ဗဟန်းမြို့နယ်၊ ဦးသာသနကျောင်း၊ ဘင်္ဂလားတိုက်တွင် ဂမ်ဘီယာနိုင်ငံကို ကန့်ကွက်ရေး အစည်းအဝေးလုပ်ဆောင်ခဲ့ကြောင်း၊ ယင်းအစည်းအဝေးတွင် သုစိတ္တ၊ ဝင်းကိုကိုလတ်တို့က ဦးဆောင်ခဲ့ကြောင်း၊ ယင်းအစည်းအဝေးတွင် ဇန်န ဝါရီလ ၂၇ ရက်နေ့ ရန်ကုန်နှင့်မန္တလေးတွင် ဂမ်ဘီယာကန့်ကွက်ပြုလုပ်ရန် သဘောတူညီခဲ့ပြီး လိုအပ်သော ငွေကြေးကို စစ်တပ်ထံမှ တောင်းယူမည်ဖြစ်ပြီး ကုန်ကျစရိတ်များကို စာရင်းဇယားနှင့်တကွ တွက်ချက်၍ တင်ပြရန် ဆုံးဖြတ်ခဲ့ကြောင်း သိရှိရသည်။
“လိုအပ်တဲ့ဘတ်ဂျက်ကို စာရင်းဇယားနဲ့ နေပြည်တော်ကို တင်ဖို့ ဆုံးဖြတ်တယ်။ အသံချဲ့ စက်ငှားဖို့၊ ကားတွေငှားဖို့၊ ပါလာတဲ့သူတွေကို အကျွေးအမွေးကိစ္စ၊ စာရင်းဇယားတွေ အတိအကျ တင်ဖို့ ဆုံးဖြတ်တယ်။ အဓိက နေပြည် တော်ကနေ ဘတ်ဂျက်ကို တာဝန်ယူမှု တာဝန်ခံမှုနဲ့ တောင်းဖို့ မျိုးချစ်မြန်မာရဟန်းတော်များသမဂ္ဂ (ရန်ကုန်)မှ အတွင်းရေးမှူးဆရာတော် ဦးသုစိတ္တက မိန့်တယ်။ ဘတ်ဂျက်တောင်းယူမယ့် အဖွဲ့ကလည်း စာရင်းစစ်တွေနဲ့ သေချာစစ်ဆေးဖို့လည်း သဘောတူတယ်” ဟု အစည်းအဝေး တက်ရောက်ခဲ့သော အမျိုးသားရေးတက်ကြွလှုပ်ရှားသူက ပြောဆိုသည်။
ဂမ်ဘီယာနိုင်ငံကို ကန့်ကွက်သည့် ရှုတ်ချ ဆန္ဒပြပွဲကို ရန်ကုန်တွင် မတ်လ ၂၇ ရက်နေ့ ၊ မွန်း လွဲ ၂ နာရီ ကြေးသွန်းဘုရားရှေ့တွင်လည်းကောင်း၊ မန္တလေးတွင် မတ်လ ၂၇ ရက်နေ့ ချမ်းမြသာစည် လေယာဉ်ကွင်းအဟောင်းတွင်လည်း ကောင်း ပြုလုပ်သွားမည်ဖြစ်ကြောင်း သိရှိရသည်။
မဘသအဖွဲ့ဟောင်းဖြစ်ပြီး လက်ရှိ နွေဦးတော်လှန်ရေးတွင် ထောက်ပို့အဖြစ် ပါဝင်နေသူ ကိုဟိဏ်းဝေယံကမူ ယခင် စစ်တပ်ထောက်ခံပွဲများနှင့် NLD အစိုး ရကန့်ကွက်ပွဲများတွင် စစ်တပ်၊ ကြံ့ဖွတ်ခင်ရီနှင့် အေးနေဝင်းတို့က အဓိက ငွေကြေးထောက်ပံ့ခဲ့ကြောင်း၊ ငွေကြေး မထောက်ပံ့လျှင်လည်း ပွဲများ လုပ်နိုင်သည့် ငွေကြေး မည်သူဆီတွင်မှ မရှိကြောင်း ထုတ်ဖော်ပြောဆိုသည်။
“စစ်ထောက်လှမ်းရေး ဗိုလ်ကြီးသန့်ဇင်ကျော် အခု ဒလမှာ တိုင်းလွှတ်တော်အမတ်အဖြစ် ဝင်ပြိုင်တဲ့သူတွေ၊ ကြံ့ဖွတ်ခင်ရီ၊ အေးနေဝင်းတို့က တောက် လျှောက် ပွဲတွေကို ငွေကြေးထောက်ပံ့ခဲ့တာ။ အမျိုးသားရေးသမားဆိုသူတွေက အလုပ်မရှိ၊ အကိုင်မရှိ ဘယ်ကဝင်ငွေရှိမလဲ” ဟု ကိုဟိဏ်းဝေယံက ရန်ကုန်ခေတ်သစ်သတင်းဌာနထံသို့ ပြောဆိုသည်။
ICJ တရားရုံးတွင် ယခု ဇန်နဝါရီလအတွင်း ရိုဟင်ဂျာများအပေါ် လူမျိုးတုန်းသတ်ဖြတ်မှုနှင့်ပတ်သက်ပြီး ကြားနာစစ်ဆေးလျက်ရှိပြီး တရားလိုဂမ်ဘီယာနှင့် တရားပြိုင် မြန်မာစစ်တပ်တို့က အသီးသီးလျှောက်လဲချက်များ ပေးလျက်ရှိသည်။
ဓာတ်ပုံ – ရန်ကုန်မြို့ရှိ စစ်တပ်ထောက်ခံပွဲတစ်ခု။ (ပုံအဟောင်းဖြစ်ပါသည်။)
Photo – AFP ။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
