မဲလ်ဘုန်းမြန်မာမိသားစုများ သံအမတ်ကြီးဦးကျော်မိုးထွန်းထောက်ခံပွဲနှင့် ငြိမ်းချမ်းစွာ ဆန္ဒထုတ်ဖော်

ရန်ကုန်၊ စက်တင်ဘာ ၂၆

ဩစတြေးလျနိုင်ငံ မဲလ်ဘုန်းမြို့ရှိ မြန်မာမိသားစုများ စုပေါင်း၍ ကုလသမဂ္ဂအမြဲတမ်း ကိုယ်စားလှယ်သံအမတ်ကြီး ဦးကျော်မိုးထွန်းကို မြန်မာပြည်သူများ၏ ကိုယ်စားလှယ်အဖြစ် ကမ္ဘာက ဆက်လက်အသိအမှတ်ပြုရေးနှင့် ာငြိမ်းချမ်းစွာဆန္ဒဖော်ထုတ်ပွဲကို ယနေ့ စက်တင်ဘာ ၂၆ ရက်နေ့တွင် ဗစ်တိုးရီးယားပါလီမာန်ရှေ့၌ မဲလ်ဘုန်းမြို့၏ အအေးဒဏ်ကို ကြံ့ကြံ့ခံရင်း နံနက် ၁၁ နာရီမှ ညနေ ၃နာရီထိ ဆန္ဒထုတ်ဖော်ခဲ့ကြသည်။

အဆိုပါဆန္ဒဖေါ်ထုတ်ပွဲကို CRPH/NUG Support Group Australia (Vic) က ဦးဆောင်စီစဉ်ခဲ့ခြင်းဖြစ်ပြီး မြန်မာမိသားစုများက ၎င်းတို့၏ သဘောထားကိုဩစတြေးလျ အစိုးရသိစေရန်၊ နိုင်ငံခြားရေးဝန်ကြီး Hon Senator Penny Wong ဆီသို့ တိုက်ရိုက်အစီရင်ခံစာပေးပို့ခဲ့သည့်အပြင် ဗစ်တိုးရီးယားပါလီမာန်သို့လည်းစာရေးသားပေးပို့ခဲ့ကြကြောင်း၊ ဆန္ဒဖော်ထုတ်ပွဲတွင် ဗစ်တိုးရီးယားပါလီမာန် အမတ်တစ်ဦးဖြစ်သည့် Mr. Meng Heang Tak MP က ကိုယ်တိုင်ပါဝင်အားပေးခဲ့ပြီး Australia Myanmar Institute ရဲ့ ဥက္ကဌ ဖြစ်သူ Mr. Christopher Lamb နှင့် မြန်မာ့အရေးကိုထောက်ခံအားပေးနေတဲ့ တက်ကြွလှုပ်ရှားသူ စင်ကာပူမှ လာရောက်ပညာသင်ကြားနေကြသော ကျောင်းသူနှစ်ဦးကလည်းကိုယ်တိုင်ဝင်ရောက်အားပေးခဲ့ကြကြောင်း သိရှိရသည်။